هاجم الإعلامي أحمد شوبير عبر قناة الأهلي، بعض جماهير القلعة الحمراء وعدد من نجوم الفريق السابقين، بسبب الانتقادات الموجهة للصفقات الجديدة والأرقام المرتفعة الخاصة بالتعاقدات، موجهًا في الوقت نفسه رسالة لاذعة لأبناء الزمالك دون تسميتهم.
وقال شوبير بسخرية: “لما يبقى صفقاتك زيزو، وتريزيجيه، وبن رمضان، ومحمد شريف، وبيكهام، وشكري، وياسين مرعي، وديانج رجعلك تاني.. إيه تاني أكتر من كده؟!”.
وتابع: “بس استنى، ده بيقولك أوضة اللبس مقلوبة، وكله ماسك في خناق بعض! طب هاتلي فيديوهات اللعيبة في تونس وهما ماسكين في خناق بعض، اللعيبة مش طايقة نفسها؟! فين؟!”.
وانتقد شوبير تركيز بعض جماهير الأهلي على تفاصيل الرواتب، قائلًا: “في ناس شغالة نفسها بالأهلي وبتقولك وسام أبو علي بكام؟! وانت مالك حضرتك؟ الأهلي عارف هو بيعمل إيه وشغال إزاي”.
وأضاف: “بيقولك إيه الفرق بين زيزو ومين ومين مشيوا؟! يا سيدي أنا حر، فكر براحتك.. أنت كأهلاوي لازم تبقى فرحان. مين بياخد بطولات غير الأهلي؟!”.
ووجه رسالة لجمهور الأهلي: “بجد أنتوا عندكم وقت تردوا على ناس كده؟! ده بيحاول يجرجرك لأنه مش ناجح.. عنده فشل وانت طاير، فبتشغل نفسك بيه ليه؟”.
وأكمل: “احنا حافظين أسماء الألعاب كلها وبنحقق فيها بطولات. في واحد لما فرقته خدت بطولتين قالك حرام كفاية! لا إحنا ماعندناش الكلام ده.. الأهلي دايمًا لازم نجومه تكون على المنصات”.
واختتم شوبير كلامه برسالة حاسمة: “الأهلي لا يتوقف على أي لاعب، وهنفضل نكسب ونفرح جمهورنا في كل لعبة”.
