كشف محمود عبد الرازق شيكابالا،نجم الزمالك السابق،عن رأيه في الثنائي خوان ألفينا وشيكوبانزا، لاعبا الفارس الأبيض، وعلق على مركز عبدالله السعيد وناصر ماهر.
وقال شيكابالا،خلال تصريحات تليفريونية ببرنامج “الكورة مع فايق”، عبر قناة “mbc مصر 2″:”السنه اللي فاتت كان نقصنا لاعبين كتير في الفريق، كنا اتمنى نجيب باك رايت مع عمر جابر، وجاي لاعب صغير يتعلم مع عمر”.
وأكمل:” كنا لازم نسيب مصطفى شلبي مع شيكو بانزا، دخله مصطفى كانت غلط لان رئيس انبي قال ان رغبته كانت الاهلي، ودخلته مكنتش على عدلة جمهور الزمالك، والناس كانت بتيجي عليه اوي ويتشتم، ومشي ومتكلمش وهو لاعب جامد اوي، لو انا المدير الفني كنت هسيب مصطفى لانه لاعب جامد وكواليتي عالي ومطلعش10٪ من مستواه مع الزمالك”.
واردف شيكابالا:” عندنا الوينج رايت مشي زيزو وشيكا وجبنا الفينا لاعب لمسته حلوه واعطيه 10 من 10، خوان ظهر ان عنده حاجه وشبهنا”.
وتابع:” شيكو بانزا عنده كثير هو ضغط نفسه لماخرج متنرفز وطبيعي الكرة متبقاش ماشيه معك، وياريت الناس تقوله احنا مش مستعجلين هو كواليتي عالي اوي”.
وواصل شيكابالا: “فيريرا ظلم عبدالله في اول ماتشين لان في السن ده ميلعبش 10 خليه المايسترو، ولما بينزل وسط الملعب هو اللي بيطلع الكرة، ولما لعب في مكانه ظهر بمستواه، انت بتظلمه وبتظلم ناصر ماهر لما بيلعب علي الطرف ولما دخل نصف الملعب كان حاجه تانيه خالص ناصر لاعب كبير اوي”.
وأنهى:” محدش شبه عبدالله السعيد، والكواليتي قلت في مصر”.
