كشف الحكم محمد عادل، مؤامرة أحد أعضاء لجنة الحكام
ضده وتسريبه المقطع الصوتي من مباراة الزمالك والبنك الأهلي.
وقال عادل خلال تصريحات تليفزيونية ببرنامج “ملعب أون”،عبر قناة “أون سبورت”:”انا من وقت ماخرجت من المباراة الناس بتتواصل معي ان حد من لجنة الحكام قال ان اتحولت للتحقيق واتوقفت والموضوع كان مدبر انت من27 سنه حكم عمر ماحصل معي كده، واللي حصل ده مش هيخلي اي حد يسرب اي شئ تاني، وفي قانون الفيفا ان دي امور سرية وده ساعد في اصدارالحكم ضد الثنائي”.
واكمل:” مين المنوط الاول اللي يجري على السلطات كان اتحاد الكره لانه هو اللي عنده رخصه يستخدم الفار ولكنه لم يحرك ساكنا هو ولجنة الحكام”.
وشدد عادل: “التحقيق اللي حصل في الاتحاد اشبه بالكوميديا السوداء روحنا وقالي المحقق الاتحاد قالب الدنيا علشان قلت لميدو سلامه يخرب بيتك ياميدو، يا سيدي في تسريب خرج وهي معلومات سريه وانتهت جلسه الاستماع ودخل احد اعضاء اللجنه قال هعمل فيديو لتوضيح الحقائق علشان التحكيم، فقولت للمحقق الكلام في النيابه العامة”.
واستطرد:” حصل لقاء بين المحامي بتاعي ومحامي المتهم الاول وعرض ان انا اعتذر طيب انا اعتذر عن ايه وهم يعتذروا، كان الموضوع ده يخلص في كلمتين يطلعوا يعتذروا والمتهم ال2 يقولي لما خذت المقطع الصوتي مكنتش اعرف انه جريمه او مخالفه للقانون، انا اتجهت للنيابه وتركت القضاء ياخد مجراه لان مينفعش نتراشق وننزل بوستات غلط”.
وتابع عادل: “عدت للجنة الحكام بعد حكم اول درجه جهاد جريشة كلمني وقالي لما الرجل يجي هكلمه واوسكار قال هعمله اختبار وكان اوسكار وبعض الاشخاص اكبر داعمين وقت القضية انا اللي كنت ارغب في التفرغ للقضيه واخدت حقي بالقانون وكان عندي رغبه في الرجوع لاني صاحب حق”.
وأختتم: “لما رجعت وكان في معسكر واجريت اختبار اوسكار قال مش معقول عنده47 سنه هاتوا جواز سفره علشان اتاكد وبعدها تمت اسناد مباراة في دوري المحترفين وتم تقديم شكوي من النادي الفايز ضدي واثبت انها كيديه واللي قال للنادي قدم شكوي احد اعضاء لجنة الحكام ومازال موجود”.
