علق البلجيكي يانيك فيريرا، المدير الفني للفريق الأول لكرة القدم بنادي الزمالك، على الفوز أمام فاركو، ضمن منافسات بطولة الدوري الممتاز، بهدف دون رد أحرزه شيكوبانزا
وقال فيريرا، في المؤتمر الصحفي عقب المباراة: “كنا عارفين اننا هنلعب ضد خصم هيلعب بـ١٠ لاعيبة داخل المنطقة وكنا عارفين هنعمل ايه وإزاي نستغل التلت الأخير ولكن في الشوط الاول مكانش في انهاء جيد للهجمات ومكانش في عدد كافي داخل المنطقة وعشان كل الأسباب دي سيطرنا الشوط الاول لم تترجم بأهداف”.
وتابع:” وعارفين اننا محتاجين نشتغل على انهاء الهجمة، الشوط الثاني سجلنا هدف مبكر وده افضل سيناريو لينا عشان الخصم ميضيعش وقت كتير وده حصل الشوط الاول ضيعوا ٥٠ دقيقة ومحدش اتكلم خالص”.
وشدد فيريرا:” بنحترم خطة اي مدرب في العالم سواء هجوم او دفاع لكن محاولة قتل الماتش بيقلل متعة كرة القدم ورسالتي للصحفيين انهم يتكلموا عن النقطة دي لان مش دي الصورة اللي المفروض ان مصر توريها للعالم عن كرة القدم واحنا عندنا مسؤولية في الملعب اننا نقدم افضل ما عندنا والحكام عليهم مسؤولية انهم ميسيبوش الفرق تقتل متعة كرة القدم”.
وأكمل: “وبعد ما سجلنا الهدف واصلنا سيطرنا وسعيد جدا وكنت هبقى اسعد لو الاسكور زاد ولكن بعيدا عن كدة احنا محتاجين التعلم في التحكم بشكل افضل في بعض المواقف فور مستحق ولكن لسة عايزين نحط رجلنا على الارض”.
وأختتم:” احنا دايما بنقول الفريق يدافع مع بعض وسجل فينا هدف واحد اكيد بنشكر الحارس والدفاع، ولكن كمان عايز اشكر لاعبي الوسط والمهاجمين على هذا العمل”.
