جلسة نارية بين الخطيب ولاعبي الأهلي بعد التعادل امام مودرن سبورت.. سيف زاهر يوضح – فيديو
كشف الإعلامي سيف زاهر، كواليس جلسة محمود الخطيب، رئيس الأهلي، مع اللاعبين ومحمد يوسف المدير الرياضي، بعد التعادل أمام مودرن سبورت.
وقال زاهر، خلال تصريحات تليفزيونية ببرنامج “ملعب أون”، عبر قناة” أون سبورت”:” فوجيء جميع العاملين بقطاع الكرة بالأهلي وجود محمود الخطيب رئيس النادي في ملعب التتش وغرف الملابس في السابعة صباح اليوم الثلاثاء”.
وتابع:” رئيس الأهلي تواجد قبل وصول اللاعبين بـ ٩٠ دقيقة حيث يتجمع اللاعبون في الثامنة والنصف قبل المران بساعة ونصف الساعة، الخطيب اجتمع بشكل منفرد مع محمد يوسف المدير الرياضي ثم انضم لهما خوسيه ريبييرو المدير الفني للفريق”.
وشدد زاهر: “الخطيب دخل غرف الملابس والتأهيل والاستشفاء واجتمع بطبيب الفريق في حضور يوسف للإطلاع على الحالة الطبية الكاملة للاعبين، رئيس الأهلي اجتمع باللاعبين قبل إنطلاق المران وحذر من بعض السلبيات التي وصلته الفترة الماضية منها”
وأضاف: “حذر الخطيب من ظاهرة العروض وتعديلات العقود وأكد أن تركيز اللاعبين في الملعب هو السبيل لتقديم أفضل ما لديهم، ورفض طرح طلبات اللاعبين في الوقت الحالي مؤكدا أن دور اللاعب هو الملعب فقط”.
وواصل زاهر:” حذر الخطيب كذلك من التعامل مع السوشيال ميديا والإعلام بشكل منفرد،وجلسة النهارده كانت بين الكابتن محمود الخطيب مع الكابتن محمد يوسف مع اللاعبين، وقال كل الكلام اللي أنا شرحته لحضراتكم في الإنترو كابتن محمود الخطيب قال: “أنا عايز التزام، مش عايز تفريط في نقاط، مش عايز نهزر، مش عايز مباراة نحس إن هي تحصيل حاصل وحسمناها من أولها”.
واشار زاهر:” الخطيب قال مش عايز حد يفكر في السوشيال ميديا، مش عايز تعامل فردي مع الإعلام، مش عايز حد يكلمني غير في التزام، ومش عايز حد يكلمني في التوقيت ده في العقود، عند حضرتك مدير أعمالك يروح يتكلم في وقت من الأوقات إحنا توقف دوري أو بنبتدي نتكلم في القصص كلها في العقود، هتلاقوا الدنيا سهل”.
وأستطرد: “بالبلدي كده، قدم السبت هتلاقي الحد والإثنين ولكن ده مش توقيت دلوقتي كل واحد يتكلم في حاجة وكل واحد يعمل اللي هو عايزه، ده مش هيكون موجود”.
وأختتم:” ليه تدخل الكابتن محمود الخطيب في التوقيت ده؟ واحد يقول لك: “يا عم دي لسه أول مباراة، إحنا لسة بنسخن لا، ما هو مش عايز يبقى أول ماتش وثاني ماتش وثالث ماتش والإدارة عملت سكواد رائع جدًا، الأمور متستحملش إن الأمور تمشي بالشكل ده”.
شاهد:
