خالد الغندور ينفجر غضبًا: اللوائح بتقول إللي يغلط يتعاقب.. هو ممنوع لاعب من الأهلي يطرد! صورة

أبدى الإعلامي خالد الغندور استغرابه من الجدل المثار حول واقعة طرد محمد هاني لاعب الأهلي في مباراة فريقه الأخيرة أمام فاركو ببطولة الدوري الممتاز.

وقال خالد الغندور عبر صفحته الرسمية على “فيس بوك”: “اللوايح بتقول الجمهور اللي يغلط يعاقب وأيضًا بتقول اللاعب اللي يغلط يتعاقب، والمراقبين والحكام بيكتبوا تقارير بالأحداث”.

وأضاف: “ومن بداية الدوري فيه لاعيبة كثير تم طردهم، وفيه جماهير اتعاقبت، وفيه تقارير اتكتبت وتقارير لم تُكتب. يبقى إيه البرو باجاندا على طرد محمد هاني؟ إيه المشكلة؟ اللاعب غلط وحصل على إنذار ثاني، وفيه حكم للمباراة، وفيه تقارير هتتكتب، وفيه مراقب للحكام ومراقب للمباراة”.

وتابع الغندور: “هو ممنوع لاعب يطرد من الأهلي؟ مثلا وليد الكرتي وبلاتي توريه ومدرب بيراميدز ولاعب وادي دجلة، كل دول تم طردهم والدنيا ما قامتش. يعني هو مش أنتم عايزين نظام وعايزين الأخلاق وعايزين العدل؟”.

واختتم: “اللوائح تمشي على الجميع، ولا أنتم عايزين إيه؟”.