كشف محمود عبدالرازق شيكابالا، لاعب الزمالك عن رأيه في تولي عبدالناصر محمد منصب مدير الكرة بالفارس الأبيض ورده علئ هجوم قدامى النادي ضده.
وقال شيكابالا خلال تصريحات تليفزيونية ببرنامج “الكورة مع فايق”، عبر قناة” mbc مصر 2″: “رأيي في عبد الناصر محمد وإدارته للكرة بالزمالك؟ ما سمعته إن الناس بتحبه وهو مسيطر على الناس، ومش لازم في الوقت ده إن إبن النادي يعمل الدور، إنت بتشتغل عشان تجيب الناس إللي تنجحك ومش لازم يكونوا ولاد الزمالك”.
وتابع:” انتقاد اللاعبين القدامى لوجود عبدالناصر محمد، طيب وليه المدرب ميكنش إبن النادي، ده مش تقليل من أولاد النادي، لو بتحب الزمالك هتكون مبسوط والزمالك بيكسب”..
وأشار شيكابالا: “في مجالس إدارات كانت بتسرب للصحفيين مش ابناء النادي بس، لكن حاليًا مفيش الكلام ده، مبتسمعش حاجة عن النادي وهو مش بيتكلم وده مطلوب”.
وأكمل:” التعاقد مع مهدي سليمان صح وغلط، لأن عندك اثنين حراس كبار، طالما تريد التعاقد مع المهدي يبقى كان لازم واحد من الاتنين يمشي”.
وأختتم: “عواد سينتظر دوره، هو حاليًا احتياطي وكذلك المهدي، طالما صبحي موجود والزمالك بيكسب فهو مكمل، وطالما المدرب يرى إنه بينفذ ما يريد فإحنا وراه”.
