اعتذر الكابتن محمود أبو الدهب نجم الأهلي السابق، عن تصريحاته السابقة التي أكد فيها أن الأهلي قادر على الفوز على أي منافس، مشددًا على أن الوضع الحالي للفريق مختلف تمامًا ويحتاج إلى وقفة قوية.
وقال أبو الدهب في تصريحاته عبر قناة Ten:
> “أنا بتأسف على كل الكلام اللي قولته إن الأهلي جامد وهيكسب أي حد وإن الأهلي مرعب وهيدوس على أي حد. يمكن لسه بدري، لكن البدايات بتفرق”.
وأضاف:
> “في لعيبة جاية الأهلي كأنه فسحة، والأسم بس اللي بيلعب في الأهلي. في لعيبة جاية تتعالى، وجاية تاخد فلوس وتمشي. دي قلة مسؤولية”.
وتابع نجم الأهلي السابق تصريحاته القوية قائلًا:
> “النهاردة في لعيبة متستحقش تلبس تيشرت الأهلي تاني، واللي جاب اللعيبة دي لازم يتحاسب”.
تصريحات أبو الدهب جاءت لتعكس حالة الغضب من مستوى لاعبي الأهلي خلال المباريات الأخيرة، خاصة بعد الهزيمة أمام بيراميدز، وما تبعها من انتقادات حادة للجهاز الفني بقيادة البرتغالي خوسيه ريبيرو وكذلك لبعض اللاعبين داخل الفريق.
