انتقد الكابتن محمود أبو الدهب، خلال ظهوره على شاشة قناة Ten، الأداء الذي يقدمه أحمد سيد “زيزو” مع الأهلي، مؤكدًا أن اللاعب لم يظهر بنفس المستوى الذي كان عليه مع الزمالك، مشيرًا إلى أن الضغوط الكبيرة أثرت على أدائه.
وقال أبو الدهب:
> “زيزو الزمالك غير زيزو الأهلي.. في الزمالك كان متداري عليه، لكن دلوقتي واضح إنه مش قادر يتحمل الضغوط”.
وأضاف:
> “جمهور الزمالك هو اللي قدر يوصل زيزو للحالة دي، لما بدأوا يقولوا عليه بالونة ومش بالونة، وهو للأسف انشغل بالسوشيال ميديا والجماهير، فبقى مش شايف قدامه في الملعب أصلًا”.
وأوضح:
> “الأهلي بيدفعله رقم ضخم جدًا، ومع ذلك مفيش استفادة كبيرة. في الزمالك كان بيلعب براحته، يسجل أو يرفع كورة وممكن حتى ميجريش، ومحدش يتكلم.. لكن في الأهلي الضغوطات مختلفة، لأنك جايب لاعب برقم كبير لازم يقدم أداء كبير”.
واختتم أبو الدهب حديثه قائلا:
> “الخلاصة إننا عايزين زيزو يلعب حتى بمليون أو مليون ونصف أو 2 مليون من المبلغ اللي بياخده، لكن لازم يكون ليه بصمة في الملعب”.
