أكد الإعلامي أحمد شوبير، عبر تصريحاته في قناة الأهلي، أن البرتغالي ريكاردو ريبيرو المدير الفني للفريق الأول لكرة القدم بالنادي الأهلي، يتمتع بإمكانيات تدريبية مميزة، مشددًا على أن الحكم عليه بعد فترة قصيرة غير منصف.
وقال شوبير:
> “ريبيرو مدرب هايل، ولو المجلس قرر الاستغناء عنه بكرة، هفضل أقول إنه مدرب هايل. ماينفعش حد يطلع يقول يمشي بعد ماتش بيراميدز أو في ديسمبر. ده مدرب كويس، ودي وجهة نظري، ومن حق أي مشجع يكون ليه رأي مخالف.”
وأضاف:
> “اللي بيزعلني إن في ناس عاوزة تفرض رأيها على الجميع. لا، في مجلس إدارة هو صاحب القرار، وإحنا نختلف كأهلاوية لكن في النهاية المجلس هو اللي يحدد.”
وتابع شوبير:
> “أنا شايف إن ريبيرو هيعمل حاجة مهمة مع الأهلي بس محتاج فترة. لو مشي دلوقتي، هقول الأهلي خسر مدرب كبير، وبقولها من قناة الأهلي بدون أي حسابات.”
واختتم تصريحاته مؤكدًا أنه لن ينساق وراء أي حملات تطالب برحيل المدرب، قائلاً:
> “لو في حملة كبيرة هتلاقوني بزداد عناداً.”
