قال يانيك فيريرا المدير الفني لنادي الزمالك إن الوصول للكمال الفني والتقني داخل الفريق أمر مستحيل، لكن الجهاز الفني يعمل بكل قوة في كل يوم للتقرب من هذا المستوى المثالي.
وأضاف فيريرا خلال المؤتمر الصحفي قبل مواجهة سيراميكا كليوباترا في الجولة الأولى من الدوري: “مستحيل تبقى جاهز 100%، لكن بنحاول نلعب بأقصى ما عندنا عشان نتحسن يوم بعد يوم”.
وتابع: “الفريق علشان يكون جاهز من الألف للياء، محتاج فترتين أو تلات فترات انتقالات، وده معناه سنة تقريبًا من الشغل وبناء الانسجام بين اللاعبين”.
وأردف: “مش بقول ده كعذر.. لازم نكسب ماتشات وده هدفنا، بس لازم الناس تفهم إن الحاجات الكويسة بتحتاج وقت عشان تظهر”.
واختتم بجملة مثيرة: “لما الزوجة بتكون حامل، الزوج بيكون نفسه يشوف المولود بسرعة، بس لازم يستنى 9 شهور، وده نفس الوضع.. محتاجين الصبر، رغم إن الناس مبقتش صبورة دلوقتي، بس إحنا هنحارب بأقصى حاجة عندنا”.
