واصل أحمد حسن،نجم منتخب مصر السابق،تصريحاته الناريه بشأن هجوم الإعلامي أحمد شوبير ضده هو وعصام الحضري.
وكان شوبير قد هاجم الثنائي أحمد حسن وعصام الحضري بسبب فيديو نشره الأخير وعلق عليه قائلا “العميد الاصلي”.
وقال حسن خلال مداخلة هاتفية ببرنامج “ملعب أون”،عبر قناة “أون سبورت”:” أنا زعلت بس إن كل من هب ودب حب يعمل علينا دور الوطنية، ده اللي زعلني، إحنا في مهمة وطنية من وقتا أن تولينا مسؤولية المنتخب في بطولة العرب، ده إللي زعلني”.
واضاف: “ممكن تنتقد، في ناس أحترمها لما تنتقد، لكن لما حد ياخد عليك لقطة ويعيش عليك دور الوطنية أقول له توقف مش أحمد حسن والحضري إللي يتعمل عليهم لقطة، لو عايز تعطيني نصيحة كلمني في التليفون وقولي خلي بالك، إنما ناخد الموضوع في سكك تانية ويقولوا إننا عايزين نهدم.. الحضري من سنة يكرر نفس الكلمة وهذا مزاح والجميع يعلمه”.
وشدد حسن:” إن شاء الله نعدي المعسكر وبعد كده هنشوف هنعمل إيه مع كل من سولت له نفسه إنه يحاول ياخد لقطة، إحنا مش داخلين خناقة، في الأول والآخر إللي زعلني إن في حد حب ياخد اللقطة”.
وأشار: “إحنا مركزين جدًا مع المنتخب والجهاز الفني لا يفوت هفوة، واشكر اللاعبين على الانضباط والالتزام ويعرفون قدر المسؤولية، وفي مباراة تونس كانوا جيدين في الشوط الأول والثاني كان يوجد بعض الأخطاء”.
وأختتم:” كان اتفاقي مع الكابتن حلمي طولان، إن المنتخب سينافس في بطولة كأس العرب، لكن في النهاية نحن نجهز اللاعبين لـ حسام حسن، الناس لا بد أن تفهم أن المنتخبين يكملان بعض، ولو حسام حسن طلب أي لاعب فله الأولوية”.
