الأهلي يشتعل بعد تصريحات حسام غالي.. ورد ناري من أسامة حسني عليه: “لازم يبقى عندك وعي”!

الإعلامي مهيب عبدالهادي كشف عبر برنامج اللاعب على قناة MBC مصر عن تصريحات قوية أدلى بها حسام غالي، وصفها بأنها غير مسبوقة داخل النادي الأهلي.

وقال مهيب: “حسام غالي صرح: لو بقيت رئيس الأهلي، أول خطوة إني أختار فريق حواليا بروح وشخصية النادي: ناس عندها إنكار ذات، طموح، وتحب الشغل الجماعي، شخصيات قوية بس من غير سعي لمصالح شخصية”.

وأضاف مهيب: “وأكمل غالي: ممكن أشوف نفسي رئيس الأهلي وأحقق طموح الناس اللي عايزاني في المكان ده. أنا عارف وحافظ النادي كويس قوي، بس لما دخلت في الإدارة وشوفت الدنيا على حقيقتها، حسّيت إني مش قادر أمسك سيف ودرع وأدخل المعركة دي حاليًا. طول عمري ماسك سيف ودرع لغاية لما بطلت كرة، وشوفت ضخامة الموقف وتكالب بعض الأشخاص وصراعات كبيرة. أهم حاجة دلوقتي هي تشويه صورة حسام غالي، اللي الناس بتفكر فيه رئيس للنادي”.

من جانبه، علق أسامة حسني، لاعب الأهلي السابق، على تصريحات غالي خلال البرنامج قائلاً: “من حق أي حد يطمح للترشح لأي منصب سواء رئيس أو نائب أو عضو، وده حق مشروع للجميع. لكن في نفس الوقت، لازم تراعي توقيت الكلام، خصوصًا أن مفيش انتخابات حالياً ولا جمعية عمومية في النادي”.

وتابع حسني: “الأهلي عنده خمس مباريات قوية جايين، والموضوع يستدعي الهدوء. أنا مش مع توقيت تصريحات حسام غالي دلوقتي، خصوصًا أن الفريق عنده مباريات مهمة جدًا وأول أربع جولات لم تكن النتائج فيها مرضية”.

وعن محتوى التصريحات وهل يقصد شخصًا بعينه، قال حسني: “ممكن تسأل حسام غالي نفسه، أنا قرأت التصريحات لكن مسمعتهاش”.

وأضاف حول تصريح غالي: “لو بقيت رئيس الأهلي هختار ناس بشخصية الأهلي”، مؤكدًا أن الأمر لا يقتصر على الكلام فقط: “اللي شوفته من كابتن محمود الخطيب خلال دورتين، إنه قام بعمل كبير جدًا وحط مصلحة الأهلي قبل أي حاجة، حتى قبل صحته وأسرته”.

واختتم أسامة حسني: “الانتخابات في الأهلي مش حكر على حد طالما هو عضو في النادي، لكن لازم يكون هناك وعي بتوقيت التصريحات ومصلحة الفريق أولاً”.