الكشف عن سبب رفض خوض مباراة ودية لمنتخب مصر ضد البرازيل.. والبديل الأقرب قبل أمم إفريقيا! فيديو
تحدث الإعلامي أحمد شوبير، في برنامجه الإذاعي صباح اليوم، عن استعدادات المنتخب الوطني لبطولة كأس الأمم الإفريقية المقبلة، مشيرًا إلى كواليس اختيار المباريات الودية التي سيخوضها المنتخب قبل البطولة.
وقال شوبير عبر راديو “أون سبورت”: “سألت عن الاستعدادات لكأس الأمم الإفريقية. قال ل مصدر داخل الاتحاد: ده بيبقى حسب طلب الجهاز الفني. قلت له: هل عندنا يا فندم طلب من البرازيل؟ قال لي: إحنا دولة من الدول اللي البرازيل بتفكر تلعب معاها، لكن مش مؤكد، مش في إيدينا إن إحنا نلعب مع البرازيل، وبالتالي ده بقى قرار الجهاز الفني”.
وتابع: “قلت له: طب قرار الجهاز الفني إيه؟ قال لي: الجهاز الفني فضّل الاحتكاك مع مدارس إفريقية. قلت له: ده كلام منطقي. قال لي: كلام منطقي جدًا، وإحنا كمان مرحّبين جدًا”.
وأضاف: “قلت له: الأقرب مين؟ قال: بص، في دول كتيرة جدًا. قال لي: بس نيجيريا مثلاً ممكن تبقى خارج كأس العالم. قلت له: بس في كأس الأمم الإفريقية. قال لي: أنا مش عارف ظروفها إيه يعني، لكنه طبعًا في مثلاً وجهة نظر عايزة نيجيريا، عايزة الكاميرون، عايزة مالي، عايزة هذه المدارس”.
واختتم: “على فكرة نيجيريا والكاميرون شكلهم هما الاتنين خارج كأس العالم وخارج ملحق كأس العالم كمان يعني. ماشي. فقال: هيبقى صعب إننا ما نلبيش رغبة الجهاز الفني. الجهاز الفني اللي هو عايزه، هو اللي هيحصل”.
