علق الإعلامي عمرو أديب، على خسارة الزمالك من الأهلي، بهدفين مقابل هدف في الدوري المصري.
وقال أديب،خلال تصريحات تليفزيونية ببرنامج الحكاية،عبر قناة “mbc مصر”: “الأهلي يستحق الفوز، والزمالك ضيع فرصة تاريخية، وملعبناش بنكلة، مفيش ثقة كالعادة، قلبي يقطر دما، أنا مضايق”
وتابع:”الشياطين الحمر، هما عندهم ثقة أنهم هيكسبوا، الحظ عمل كل حاجة للزمالك، والزمالك رفسه، نصف لاعبي النادي الأهلي مصابة”.
وشدد أديب:” “المدرب اللي بيدرب الأهلي مؤقت، واللاعب اللي غير النتيجة ماشي، ونص اللاعيبة مصابة.. وفالأخر الزمالك مكسبش، وكان ممكن الأهلي يفوز بأهداف أكتر”.
وأردف: “الجمهور مش مصدق، طب إمتى هنكسب الأهلي، كده الدوري خلص، حتى لو الأهلي مأخدوش، هياخده فريق تاني، كان عندي يقين أن الأهلي هياخد ضربة جزاء، كان في لاعب كل دوره أن كل ما الشاب البرازيلي يمسك كرة يدوس عليه”.
وواصل أديب:” اليوم أعلن لكم ضياع الدوري من الزمالك، هى نفس الكسرة بتاعة كل سنة، كنت شايف الزمالك متقدم وطلع خايب”.
وعن تقبيل اللاعب حسين الشحات للشنكار، علق أديب: “شنكار إيه اللي بتبوسه الزمالك معاه نحسه في الملعب، أنا مش بقف جمب متخاذلين متراجعين، عندي 60 سنة منهم 55 سنة بشوف الزمالك بيتغلب، ونصيحة للأسر لو لقيت عيل عنده ميول زملكاوية ارحمه عشان هيتعذب موت الفكرة قوله الأهلي نادي مصر”.
