علق الإعلامي سيف زاهر، على قرار مشاركة أحمد سيد زيزو، لاعب الأهلي، في مباراة إنبي وهو يعاني من إصابة أثناء عمليات الإحماء.
وقال زاهر، خلال تصريحات تليفزيونية ببرنامج “ملعب أون”،عبر قناة “أون سبورت”:” موقف زيزو ومشاركته امام إنبي وهو مصاب، محدش يشيلها، الدكتور اللي اهمل وشاركه؟ ولا للاعب ولا لعماد النحاس؟ “.
وأضاف:” احترافيا لا عماد النحاس ولا زيزو غلطان ومش قادر اقول غلطان لانه رجل وعاوز يلعب”.
وشدد زاهر:” الدكتور برئ لانه قال ميلعبش، والقرار النهائي بيكون للاعب”.
وتابع: “واللي بقوله مش صح علميا، ولكن رجوله اللاعب مقدرش الومه عليها، لكن هو جه على نفسه لان الاهلي موقفه صعب، مقدرش اشيلها لحد، تحسب رجوله للاعب لانه موقف رجولي وعلميا مش صح، بس مقدرش اقول غلط لان ياما لعيبة كتيره ربطت وشاركت”.
وأشار زاهر:” خبر اول مره حد يسمعه، حد كان عارف ان مروان عطيه كان بيلعب بالمسكنات، وبياخد 3 حقن قبل واثناء وبعد الماتش، وفضل دايس على نفسه علشان يوصل للتوقيت اللي يعمل عمليه، اول مره حد يسمع ده كان بيلعب مصاب، في لعيبه رجاله ومكناش بنقول “.
وأختتم:” من وجهة نظري في موضوع زيزو الجميع ابرياء، الولد راجل ومقصرش، ولا الدكتور قصر”.
