علق مجدي عبد الغني،مقدم البرامج، على قرار محمود الخطيب، رئيس الأهلي،بالإبتعاد عن النادي وعدم الترشح في الإنتخابات القادمة.
وقال عبدالغني، خلال تصريحات تليفزيونية عبر قناة “الشمس”:” “الخطيب أعطى للأهلي وهو لاعب وعضو إدارة وأمين صندوق ورئيس، لكن الأهلي مبيقفش على أتخن تخين، الأهلي مش بيقف على حد”.
واردف:” النادي الأهلي مثلما هو ناد القرن الذي يُحقق بطولات، هو في حد مُخلد؟ الخطيب عندما يقول أنه لن يخوض انتخابات الأهلي نظرًا لظروفه الصحية”.
وتابع عبد الغني: “إيه الدوشة إللي حصلت دي؟ الخطيب لا يبحث عن منصب، هو لازم الواحد يموت في المكان إللي هو فيه؟ الرجل قال منذ فترة إنه مريض ومش هيقدر يكمل”.
وشدد:” مفيش إنجاز عمله هيتنسي، يلا طلعوني أبو لهب بقى وقولوا إني بقول أي كلام، يلا اشتغلوا يا بتوع الكتائب الإلكترونية”.
وأختتم: “أنا بقول حقائق، أنا شفت الأهلي بيوقف لاعبين كبار عشان أخطأوا في حق النادي، وشفت الأهلي بيعاقب لاعبين كبار، أنا محدش يعلمني هو إيه الأهلي”.
