“حبوا بعض” – شوبير عبر قناة الأهلي يهاجم مدير المركز الإعلامي للأحمر.. “الله الغني عن رضاك” – فيديو
هاجم الإعلامي أحمد شوبير، مدير المركز الإعلامي للنادي الأهلي جمال جبر، بسبب عدم تهنئته بعيد ميلاده على حسابات النادي الأحمر عبر مواقع التواصل الإجتماعي.
وقال شوبير، خلال تصريحات تليفزيونية عبر قناة “الأهلي”:” في نقطة سلبيه جدا الصراحه كده حصلت احنا اتعودنا في النادي الأهلي لما يجيي عيد ميلادك الصفحه الرسمية للأهلي بتنزل تهنئة بعيدا إحنا بنطيقه مش بنطيقه ولا لأ”.
واضاف:” النهارده عيد ميلادي ومحدش نزل حاجه وانا كنت مستني ده، بس أنا عايز اقول انت بتشتغل في النادي الأهلي ولا دي صفحتك ولا ده موقعك، لا ده واجب عليك”.
وتابع شوبير:” السنه اللي فاتت مكنتش هتنزل برضوا لولا تدخل أحد الأعضاء ونزلت الساعه 9 بالليل “.
واشار:” هو سؤال بس رئيس المركز الاعلامي في الأهلي هو صاحب الصفحة الرسمية هو واخد التوكيل؟، واحنا مش واخدين بالنا، هي ممكن تلاقيها نزلت كمان شويه لكن أنا مش هتفرق معايا”.
وواصل شوبير:” الناس مش بتاخد بالها انك أنت بتشتغل في الأهلي ولا أنت بتشغلهم؟ الله الغني عن رضاك ومحبش رضاك، أنا أول مرة اتكلم كده واسف اني بقول كده ليله مباراة القمة”.
واختتم:” لا يمكن احد يتحكم في إعلام الأهلي ابدا، دي مواضيع مهمة جدا لو اتسابت هتفرط”.
شاهد:
