كشف خالد بيبو، مدير الكرة السابق بالأعلي، عن سبب تراجع أداء الفريق رغم وحود صفقات كثيرة مميزة.
وقال بيبو، في تصريحات تليفزيونية ببرنامج “ملعب أون”، عبر قناة “أون سبورت”:” من وجهة نظرك ليه نتائج النادي الأهلي في بداية الدوري كانت كده مع وجود صفقات ومجلس الإدارة عمل كل حاجة، إيه اللي حصل؟ مش شرط، إن انت التجربة اللي بتعملها جديدة، خلي بالك تجربة النادي الأهلي إن يبقى في كمية نجوم كتيرة في وقت واحد، ده تجربة كبيرة جديدة”.
ورد سيف زاهر قائلا: “انت قلت تصريح يا كابتن يخش التاريخ، إيه انت حسيت ولا أنا قلقتك دلوقتي؟ ليجيب بيبو لا لا خالص، يا كابتن ما فيش حد طول عمره شغال بنجوم كتيرة قد النادي الأهلي”.
وتابع زاهرتجربة جديدة إزاي؟ليرد خالد قائلا:” لا لا بص النجوم كتيرة جدًا، آه بس ما كانتش اللي هو بجيبها من كل حتة في العالم والتصنيف واحد لا، كل اللاعيبة كانت بتيجي النادي الأهلي نجوم بس محتاجة لسه تروح لحتة النجومية العالية، انت بتتكلم دلوقتي إنك جبت نمرة واحد في نادي الزمالك، وجبت واحد من المصنفين في مصر تريزيجيه وجبت بن شرقي، واحد طبعًا من أحسن كانوا لعيبة في نادي الزمالك وجبت بن رمضان”.
وواصل بيبو: “طول عمر الأهلي بيضم نجوم، بس ما كانش بالحجم ده وبالكثافة دي، أنا بتكلم على آخر حقبة لا، انت كل فترة كنت تقول إيه النادي الأهلي محتاج رأس حربة مختلفة صح؟ قعدت فترة طويلة بتتكلم على رأس حربة يبقى نمرة تسعة لغاية ما جيت وسام أبو علي صح؟ قعدت فترة تقول أنا ما عنديش أطراف بشكل كويس وتقول عندي اتنين ومحتاج اتنين”.
.
واردف:” انت دلوقتي بتتكلم إن عندك في كل مكان ثلاث لاعيبة أحسن من بعض. أنا بتكلم مش على نمرة واحدة، بتكلم على نمرة واحد ونمرة اتنين ونمرة تلاتة في نفس المكان. انت عندك واحد في نفس المكان، ولو عندك التاني في نفس المكان كان فيه gap، إنما دلوقتي بتتكلم إن عندك ثلاث لاعيبة في نفس المستوى في مكان واحد”.
ووجه له سيف زاهر سؤال قائلا يا كابتن انت ما خدت كهربا من الزمالك وخدت إمام بعد كده وخدت زيزوشايف إن زيزو حالة خاصة؟ فاجاب خالد بيبو: لا، لما أخدت إمام ما أخدتوش من الزمالك، كان خرج من ميتلاند، طالما خرج من تشكيل الزمالك، قصدي كان لعيب كبير برضه، بس خرج من التشكيلة بتاعة نادي الزمالك. أنا ما أخدتوش من نادي الزمالك، فما اعتبرش إن أنا خدت لعيب كان مؤثر جدًا من خصم”.
وأشار بيبو:” فده حاجة مختلفة. انت بتخرج زيزو، هو كان نجم الفرقة. حتى إمام وهو ماشي من زمان برضه ما كانش نجم، كان فيه نجوم كتيرة، كان فيه بن شرقي، وكان فيه ساسي، وكان فيه لاعيبة كتير جدًا بياخدوا على فترات”.
وردا على سؤال هل النجوم الكثيرة عملت أزمة؟ أكد بيبو:” ما عملتش أزمة. تجربة جديدة إن يبقى عندك ثلاث لاعيبة نفس المستوى في مكان واحد، أمّا ده موضوع مختلف. انت كنت الأول عارف مين جاي هيلعب. إنما دلوقتي محتاج إن الناس دي كلها تستفيد منها. عشان كده غيرت أماكن لناس كتير قوي فماخدتش 100% من كل الناس”.
وأختتم: “لسه المستويات اللي جوه النادي الأهلي ما بتديش النتائج دي. مستويات الأهلي إنك تنزل تبقى مرتاح جدًا في اللعب عندك يعني. لا، أنا لغاية دلوقتي ما أخدتش 50%”.
شاهد:
