رد مثير من باسم مرسي عن تصريح شيكابالا بشأن تناول لاعبي الزمالك الشيشة قبل نهائي صن داونز

كشف باسم مرسي مهاجم الزمالك السابق، حقيقة ما أثير حول واقعة “الشيشة” التي تحدث عنها محمود عبد الرازق شيكابالا قبل نهائي دوري أبطال إفريقيا أمام صن داونز عام 2016، مؤكدًا أن الأمر لم يحدث مطلقًا.

وقال باسم مرسي خلال ظهوره في برنامج الكلاسيكو عبر قناة أون: “واقعة الشيشة اللي اتقال عليها قبل نهائي صن داونز؟ والله العظيم ما حصلت خالص.. وبعدين لو أنا اللي بشيش كنت هطلع أقول ومش هخاف”.

لترد الإعلامية سهام صالح قائلة: “بس هو مقلش اسمك ولا أسماء!”، ليجيب باسم: “أنا عارف، أنا بتكلم على ردود فعل الناس.. لكن بقولك والله العظيم مفيش أي لاعب كان بيشيش خالص، ويمكن كابتن شيكابالا خانه التعبير أو خلط بين واقعة تانية على إنها في نهائي صن داونز”.

وأضاف مرسي: “ده حق لعيبة الزمالك بتاعة 2014 اللي لعبت معاها.. الناس دي كان قلبها على النادي دايمًا ومحصلش منهم أي حاجة زي دي”.

وعن سبب خسارة الزمالك لنهائي البطولة أمام صن داونز، أوضح: “خسرنا بسبب أخطاء وكورة.. هناك خسرنا 3-0 ورجعنا هنا كسبنا واحد.. كرة القدم فيها كده، ومش موضوع 14 لاعب أو غيره، في النهاية اللي بيلعبوا 11 لاعب.. كانت ظروف مباراة”.