رد أحمد حسن، مدير منتخب مصر الثاني،على تصريحات الإعلامي أحمد شوبير ضده هو وعصام الحضري.
وكان شوبير قد قال في تصريحات تليفزيونية عبر قناة “الأهلي”، تعليقا علي فيديو لعصام الحضري وأحمد حسن ، كتب عليه الحضري قائلا:” العميد الأصلي”،: “كلنا بنحاول نساند المنتخب وكلنا فرحانين عندنا منتخبين، من باب اولى المسئولين عن المنتخب التاني اللي معهم جهاز فني ولاعبين محترمين، انتم كمسئولين اكثر ناس تساند”.
وتابع:” ومفيش داعي حد يطلع يقول حد يطلع يقول كلمة على حسام حسن وإبراهيم حسن ويغلس عليهم، إيه الاستفادة يعني؟ في منظومة في اتحاد الكرة بتحاسب اللاعيبة لما تغلط، أنا هفترض إنك قايل الكلمة بهزار ولكن ده مش وقته وأنا مش هكرر الكلمة اللي اتقالت، إحنا في أسبوع مهم وممكن نوصل فيه لكاس العالم، وكان ممكن تكتم الكلمة دي جواك ولما نوصل ابقى قول اللي يعجبك، وعاوزين نحب بعض شوية والحاجات الصغيرة دي مبتقاش ما بينا”.
واتم شوبير:” علينا مساندة حسام حسن وانت بتهاجمه اوبتكره،او انت كنت حابب تكون معاه او رئيس عليه هو حقه اختيار جهازه”.
وكتب احمد حسن عبر حسابه الشخصي على موقع التواصل الإجتماعي “فيسبوك”:” الكابتن شوبير طالع يدينا نصيحة على الهواء وردي هيكون هنا على الهواء، و حابب تتطوع بنصيحة فأكيد رقم تليفوني معاك وكمان أرقام السادة المحترمين في اتحاد الكرة المصري ولو كانت النصيحة صادقة ولوجه الله أكيد نتقبلها ونشكرك كمان .. لكن طالما الكلام على الهواء فالرد هيكون على شوبير هنا على الهواء”.
وأكمل: “لمعلوماتك أنا أعمل مديراً لمنتخب مصر المشارك في البطولة العربية (بتكليف ومتطوعا دون أجر) في محاولة لرد جزء للمكان الذي صنع اسمي وتاريخي كلاعب أنهى مسيرته بلقب عميد لاعبي العالم أما بالنسبة لقصة هزاري أنا و عصام الحضري في القصة دي فهو أمر معتاد من سنين والجميع يراه ويشاهده ولم نراك يا كابتن يا كبير يوما تنصح أو تعترض ولكن طبعاً كلنا فاهمين دفعاك بقوة واستماتة واعتراضك ليه”.
وأختتم حسن:” كابتن اهدى شوية ونصيحتي ليك ركز في شغلك انت بس ووفر نصايحك لحاجة تانية علشان الموضوع مش مستحمل فتن وخناقات جديدة وكفاية اللي بنشوفه وبيحصل كل يوم وانت سيد العارفين”.
