رسالة مثيرة من الحضري لـ شوبير بعد غضبه من عدم إحتفال الأهلي بعيد ميلاده وهجومه على المسئولين- صورة
حرص عصام الحضري حارس مرمى منتخب مصر السابق، على توجيه رسالة للإعلامي أحمد شوبير، بعد غضبه وهجومه على مدير الإعلام بالنادي الأهلي، بسبب عدم الإحتفال بعيد ميلاده.
وكان شوبير قد هاجم مدير الإعلام بالأهلي وذلك عبر قناة الاحمر قائلا:” في نقطة سلبيه جدا الصراحه كده حصلت احنا اتعودنا في النادي الأهلي لما يجيي عيد ميلادك الصفحه الرسمية للأهلي بتنزل تهنئة بعيدا إحنا بنطيقه مش بنطيقه ولا لأ”
وأردف:” النهارده عيد ميلادي ومحدش نزل حاجه وانا كنت مستني ده، بس أنا عايز اقول انت بتشتغل في النادي الأهلي ولا دي صفحتك ولا ده موقعك. لا ده واجب عليك، السنه اللي فاتت مكنتش هتتزل برضوا لولا تدخل أحد الأعضاء ونزلت الساعه 9 بالليل”.
واشار شوبير:” هو سؤال بس رئيس المركز الاعلامي في الأهلي هو صاحب الصفحة الرسمية هو واخد التوكيل؟ واحنا مش واخدين بالنا.. هي ممكن تلاقيها نزلت كمان شويه لكن أنا مش هتفرق معايا، الناس مش بتاخد بالها انك أنت بتشتغل في الأهلي ولا أنت بتشغلهم؟ الله الغني عن رضاك ومحبش رضاك أنا أول مرة اتكلم كده واسف اني بقول كده ليله مباراة القمة، لا يمكن احد يتحكم في إعلام الأهلي ابدا .. دي مواضيع مهمة جدا لو اتسابت هتفرط”.
ونشر الحضري صورة له وفي يده تورته عبر حسابه الشخصي علي مواقع التواصل الإجتماعي وعلق عليها:” ولا تزعل نفسك يا كابتن انا بحتفل بيك اهوه كل سنة وانت طيب يا كوتش”.
