رسالة نارية من سيد عبد الحفيظ لـ مدحت شلبي بشأن الخطيب!!.. “اللي قولته نقص في ابهى صورة”

وجه سيد عبد الحفيظ، مدير الكرة السابق بالأهلي، رسالة نارية للإعلامي مدحت شلبي، بسبب تصريحاته عن محمود الخطيب رئيس النادي الأحمر.

وقال عبد الحفيظ، خلال تصريحات تليفزيونية ببرنامج الكورة مع فايق، عبر قناة “mbc مصر 2″:” اليومين اللي فاتوا، وهنا في قناة MBC، كان الموضوع الخاص بالكابتن محمود الخطيب”.

وأضاف:” لما تشكك في مرض دا يبقى النقص في أبهى صوره، حتى التبرير بعد كده إنت بتقول يهمنا الدنيا تبقى هادية”.

وشدد عبد الحفيظ: ” هي الدنيا هادية أساسا لو بتتكلم عن الزمالك والاهلي فجمهور الفريقين مركزين مع فرقهم، أكتر لأن المستوى وحش والاثنين قلقانين من الخسارة”.

وأردف: “نصيحة لكابتن مدحت العُمر مش محتاج ولا مستاهل صراعات ولا مين الإعلامي الأول ولا الثاني، الخطيب رمز انتقد زي ما انت عايز لكن اللي حصل دا مش صح

وأختتم:” و لما تكون عزيز وغالي وانت مش موجود افضل من انك تبقى بلا قيمة وانت موجود، وقناة mbc, احترمت كابتن خطيب واخذت قرار سريع، واتمنى الانتقاد في القرارات، لكن المرض و افتعال حاجه علشان تاخد حاجه تانيه غير صحيح”.