إعتذر محمد سراج الدين، عضو مجلس إدارة الأهلي، بعد توجيه التهنئة لبيراميدز، بسبب فوزه ببطولة كأس القارات الثلاث على حساب الأهلي السعودي.
وكان سراج الدين قد قام بكتابة تهنئة لفريق بيراميدز بعد الفوز ببطولة كأس القارات الثلاث، قال فيه: “مبروك نادي بيراميدز كفريق مصري الفوز ببطولة كأس القارات الثلاثة عن استحقاق أحترم الإخلاص في الملعب واللعب بروح ورجولة وحظ أوفر لنادي أهلي جدة السعودي الشقيق في البطولات القادمة'”، وذلك قبل ان يقوم بحذف المنشور
وعاد وكتب سراج الدين عبر حسابه الرسمي بموقع التواصل الإجتماعي” فيسبوك”: “بعتذر عن بوست التهنئة من شوية بس المقصد منه كان بمنتهى حسن النية وربنا الأعلم والمباركة كنت أقصد بها اللاعبين اللي لعبوا بروح عالية ورجولة كلاعبين مصريين معظم الفريق ( قدام فريق غير مصري ولاعبين أجانب”.
واضاف:” لكن ولا اقصد به تهنئة إدارات ولا غيره ولا في دماغي ولا نيتي ومحصلش ان حد هنا النادي الأهلي قبل كده عشان أقدمله تهنئة رسمية”.
وأردف:” الموضوع حصل بشكل عفوى وودي أنا كان ممكن أقول ده الأدمن او غيره اللي كتب لكن أنا بحب المصارحة والمواجهة واحترام الجمهور والأصدقاء قبل كل شئ واساءت التقدير في التهنئة كلنا بشر في النهاية قد نخطأ أو نصيب”.
وأشار سراج الدين: “وأعتقد أنا معروف موقفي وكان واضح في مواقف سابقة كتير ومتسجل قدام اي توجه ضد النادي من قريب او بعيد وبالعكس البوست ملوش أي علاقة باستمراري في النادي من عدمه لأن مع كل مواقفي السابقة واللي ممكن تكون سببت ضرر ليا بشكل شخصي في أمور معينة عمري ما طلعت وضحت أو تم المتاجرة بهذا الأمر وسببها بيكون غيرتي على النادي زي أي مشجع ومحب للأهلي قبل ما أكون مسؤول بالعكس أنا بكون كده ومقيد بسبب تقاليد المنصب”.
وواصل:” وبالعكس لو مش مستمر هكون واخد راحتي اكثر في الردود والهجوم عن كده وده هيحصل فعلا لو مش في موقع المسؤولية مستقبلاً ولا هيفرق عندي أجامل حد ولا أكسب حد عشان مش موجود أو مش مكمل الأهلي بيكون هو اللي في دماغي وبس”.
وأختتم: “بعتذر مرة ثانية والموضوع حصل بشكل عفوي وكل الإحترام لأي حد زعل أو أضايق من البوست وأهم حاجة ربنا يكرمنا في المبارة القادمة ويستعيد الفريق مكانه المفضل رقم 1 قريباً إن شاء الله”.
