كشف الإعلامي سيف زاهر، عن قرار صارم من الأهلي تجاه اللاعبين بعد تصريحات آدم وطني وكيل إمام عاشور لاعب الأحمر.
وقال سيف، خلال تصريحات تليفزيونية ببرنامج “ملعب أون”، عبر قناة “أون سبورت”:” في الغرف المغلقة تجديد أو تمديد أو إعارة أو بيع كل ده مفيش في النادي الأهلي، و دلوقتي دي سياسة الأهلي لان دلوقتي الكل بيبص إلى مصلحته قبل مصلحة الكيان”.
وأضاف: “في قرار سري في الأهلي بعدم الحديث مع أي لاعب الا بعد تصدر جدول الدوري، كسبت الحرس أو كسبت الزمالك برضو مفيش حديث في اي شئ الا بعد تصدر جدول الترتيب لان الجماهير و النادي له حق علي اللاعبين”.
وشدد زاهر:” وليد صلاح الدين قفل على الفرقه لان الأهلي هو النجم مش اي اسم من اللاعبين، و قالهم انا بشوف أرقام في العقود عاوز اشوف أداء و رد في الملعب”.
واشار: “امام عاشور لاعب غلبان مش بتاع أزمات أو أنه يخلي حد يتكلم بلسانه، قصة امام عاشور مع الأهلي و الوكيل مش كويسة لان دستور الأهلي هو الغرف المغلقة، الأهلي فوق جميع محبيه و أبنائه مش الأندية التانية محدش يفهم كلامي غلط”.
وأختتم: في الغرف المغلقة امبارح الكابتن وليد صلاح الدين قال للاعِيبة الأهلي تجديد مفيش، تمديد مفيش، ترضية مفيش، عرض خارجي مفيش، وإعارة مفيش. الكابتن وليد قالهم كل الكلام ده مقفول دلوقتي لحد ما النادي يقف على رجله تاني ونتصدر الدوري، وبعدها نتكلم وهيكون الكلام بسيستم و بعد مباراة الزمالك لينا حديث تاني”.
شاهد:
