أكد الإعلامي ابراهيم عبد الجواد، ان محمد يوسف المدير الرياضي بالأهلي، قرر توقيع عقوبات كبرى على لاعبي الفريق الأول لكرة القدم بالأحمر.
وقال عبد الجواد، خلال تصريحات تليفزيونية ببرنامج “ملعب أون”، عبر قناة “أون سبورت”:” في حاجه غلط في الاهلي، منذ بدايه الموسم مش ده الاهلي، بيسجل اسوأ انطلاقه له منذ سنين طويله”.
واضاف: “لاشكل ولا لون ولاطعم، بعد اجتماع ناري من كابتن الخطيب معداش عليه اسبوع، حتي اتكلم معهم وقال الكرة تعب واجتهاد ومحصلش ده”.
وتابع عبد الجواد:” عندك اجمد لعيبه واعلى عقود وفلوس واستقرار، وجماهير عظيمه بتحرك الصخر وصبرت على الفريق، كل الناس بتمني النفس ان يكون في انطلاقه جديده مع كابتم عماد النحاس بعد رحيل ريبيرو، لكن طلع زيد زي عبيد”
وشدد:” المسئوليه الاكبر عند اللعيبه مفيش حميه ولا اصرار على الفوز، وده خلى الكابتن محمد يوسف يقرر عقوبات كبيره على اللعيبه وهيخصم خصومات مغلظه بعد الاداء امام إنبي”.
وأتم: “بنحي فريق انبي رغم الفارق الكبير في العقود وقدر يتعادل وكان ممكن يكسب، هيكون في عاصفه شديده من المسئولين تجاه اللعيبه خاصه بعد رحيل الجهاز الفني واستمرار النتائج السلبية”.
