مفاجأة بشأن القرار النهائي لمكان إقامة مباراة مصر وجيبوتي! تفاصيل وأسباب – فيديو
كشف الإعلامي أحمد شوبير، عبر برنامجه الإذاعي، تفاصيل جديدة حول مكان إقامة مباراة مصر وجيبوتي في التصفيات، بعد تزايد التساؤلات حول إمكانية لعبها داخل مصر أو خارجها.
وقال شوبير في تصريحات عبر برنامجه الإذاعي صباح اليوم الخميس: “سألت أنا في موضوع مباراة مصر وجيبوتي، عملت مكالمة كده مطوّلة مع أحد كبار المسؤولين عن الكرة في مصر. سألته: يا فندم، مباراة مصر وجيبوتي أخبارها إيه؟ هتتلعب في مصر ولا لا؟ قال لي: لا. قلت له: ليه مش هتتلعب في مصر؟ ليه ما فرصة والدنيا كويسة؟ وأنا قرأت تصريحات على لسان المسؤولين في جيبوتي، الناس مرحّبين يعني”.
وتابع: “قال لي: بص، أنا عندي مشكلة. لو الكلام ده كنا عملناه من شهر ولا حاجة ما كانش هيبقى فيه مشاكل، كان آه أوكي. لكن دلوقتي أنا مازال لي منافس وهو بوركينا فاسو. آه صحيح الفارق خمس نقاط ونظريًا إحنا أعلى من جيبوتي وكل حاجة، لكن أنا مش عايز الصعود بتاعي يشوبه شائبة. عايز أطلع كده والناس كلها بتشيد وبتغني وبتُهلّل للمنتخب الوطني، خصوصًا وإنه الفوارق كبيرة بينا وبين جيبوتي”.
وأضاف: “قال لي: طبعًا هي كرة قدم، كل شيء وارد في عالم كرة القدم، لكنه هنلعب في المغرب. قلت له: طيب ما النيجر لعبت مع المغرب في المغرب وكانت مباراة برضه مؤهلة. قال لي: لا، النيجر كان ملعبها المغرب، وبالتالي فده كان الطبيعي إنها تلعب في المغرب”.
وأردف: “قال لي: بص، أنا مش عايز أخش في دوامة وأخش في حد يقول لك: أشمعنا ومش أشمعنا. أنا عندي منتخب قوي، وعندي منتخب بيفوز، وعندي منتخب مرشح، وعندي منتخب مؤهَّل وكل حاجة. وبعدين يا عم إذا كان على الاحتفالية، بعدها بثلاث أربع أيام هيكون عندنا مباراة غينيا بيساو إن شاء الله في مصر. فما نحتفل في مصر، إن شاء الله ربنا يكرمنا نكسب جيبوتي ونحتفل في مباراة غينيا بيساو”.
واختتم: “قلت له: عموما القصة مش هتفرق قوي، يعني مش هتبقى مشكلة إننا نلعب هنا أو نلعب هنا، ما فيهاش مشاكل. لكن ربنا يكرمنا إن شاء الله ونكسب المرحلة أو الفترة اللي جاية ونتأهل إن شاء الله”.
