وجه الأعلامي أحمد حسام “ميدو” رسالة قوية لجماهير الزمالك والإعلام، بشأن الفريق الأول لكرة القدم بالفارس الأبيض.
وقال ميدو، خلال تصريحات تليفزيونية ببرنامج “أوضة اللبس”:” انا عاوز جمهور الزمالك يسمعني كويس اانا لما بقول الزمالك مضمنش الدوري ولا التاهل لدوري ابطال افريقيا ده علشان لاعبي الزمالك مش هيكسبوا بطولة الا بالضغوط”.
وتابع:” نوعية لاعبي الزمالك مش هيجيبوا بطولة الا لما يضغط عليهم اكبر دليل على كده ايه، هل جمهور الزمالك يبقى قلقان وهو بيلعب قدام فرقه كبيره، الزمالك وهو قدام الاهلي اوبيراميدز؟ لا”.
واضاف ميدو:” امتى الزمالك بيقع؟ قدام الفرق اللي مش متحضر لهم كويس، قدام الفرق انه بيقول كسبان كسبان زي ماتش دجله، مشكلة لاعبي الزمالك انهم لازم يتحطوا تحت ضغوط لازم يبقى في ضغوط علشان يقدروا يكسبوا”.
وشدد:” الكلام بيوصل رساله للاعبي الزمالك انهم فرقه كويسه،لكن في جبهات شغلتها تحسسك انك قليل ومتقدرش تنافس”.
وأشار ميدو:” 70٪ و80٪ من البراامج قبل بداية الموسم كان ايه السؤال؟ هل الزمالك قادر على منافسة الاهلي وبيراميدز؟ اوعى تفتكر انه السوال ده سهل، لا هو عاوز يوقع الزمالك ويبعد عنه المنافسه مين خطر بيراميدز لا الزمالك على الاهلي؟، اخطر الزمالك، عنده تمرس في المنافسه والنادي بيعرف يتعامل مع الضغوط تسال اي اهلاوي من اكبرهم لاصغرهم يقولك انا انافس بيراميدز ومنافسش الزمالك”.
وواصل:” السؤال من الاعلاميين هدفه هو الدوس على الزمالك لما اتسألته كنت عاوز اقول للمقدم انت مجنون ده الزمالك”.
واختتم: “الزمالك قدره داخل ينافس على اي بطولة اوعى تسألني السوال ده هل الزمالك هينافس؟، اساله لناس تانيه لانه يزعلني المفروض ولاد الزمالك ميسمحوش بالسؤال ده لان الزمالك ميتقالش عليه كده لانه بينافس على اي بطوله”.
