فجر الإعلامي مهيب عبد الهادي قنبلة جديدة، كاشفًا عن لخبطة كبيرة في المشهد الكروي المصري، بعدما أشار إلى أن الأهلي يترقب مصير جوميز مع الفتح، في الوقت الذي يفكر فيه الزمالك بجدية في إعادة المدرب نفسه، وغضب ممدوح عباس.
وقال مهيب عبد الهادي عبر برنامج “اللعيب”: “المدير الفني في النادي الأهلي، الناس بتتكلم على جوميز وإنه هيمشي من الفتح، والفتح تمسك بيه في مباراة خفية عشان الشرط الجزائي”.
وأوضح: “لكن الجديد أن نادي الزمالك هو كمان جدد الثقة في يانيك فيريرا، وأنا شايف أن الثقة دي – بمعلوماتنا – ثقة مؤقتة آخرها ماتش المحلة. لكن على الأرض الزمالك بيفكر في إعادة جوميز مرة أخرى”.
وتابع: “متع عينك، متع عينك باللخبطة، وما فيش يعني كله داخل في بعضه. كان عندنا وما أدناش راتبه، وطلب 120 وراح 180، وممكن ترجعه 180 وبتشوف حد يتكفل راتبه، يعني متع نفسك”.
وأشار: “جوميز ده كان بياخد 60000 دولار مع نادي الزمالك، والعقد الجديد كان 90، دلوقتي لو هترجعه مش أقل من 150 أو 160. راتبه هناك 240، فيريرا بياخد 55 هو والجهاز لوحده 23”.
وأضاف: “أهو بقول لكم الأرقام. أهو مين بقى هيتحمل الشرط الجزائي؟ طب إذا كنتش بتدي الراجل فيريرا ده فلوسه، هتدي جوميز فلوسه؟ والأستاذ ممدوح عباس زعلان زعلان غضبان، وحقه دفع كتير، أكتر واحد دعم الزمالك، يعني دخلنا في نص مليار وتبرع بقى مش قرض. طب يعمل إيه الراجل؟ مش فاهم. طب مجلس الإدارة فين؟ يعني هو الأرض وخلصت؟”.
