ميدو ينفجر غضبًا: كما يحدث في الأهلي.. إرهاب إعلامي يطارد شيكابالا والخطيب ولبيب مسؤولان عن المهزلة! صورة
فجّر أحمد حسام “ميدو” عاصفة من الجدل بتصريحات نارية شنّ خلالها هجومًا عنيفًا على ما وصفه بـ”الإرهاب الإعلامي” الذي يواجهه القائد التاريخي للزمالك محمود عبد الرازق شيكابالا، مؤكدًا أن نفس الأسلوب الذي اتُّبع لسنوات ضد معارضي إدارة الأهلي بدأ يُطبق الآن داخل القلعة البيضاء.
وكتب ميدو عبر حسابه الرسمي بمنصة “إكس”: “الإرهاب الإعلامي اللي بيتطبق من اعلام الأهلي بقاله سنين على ولاد النادي قبل ولاد المنافسين لاي حد يعترض على سياسة ادارة النادي بدأ يتطبق في الزمالك”.
وتابع: “شيكابالا قال رأيه في الماتش وان المدرب لازم يمشي وانه السبب الرئيسي في ظهور الفريق بالشكل ده رأيه رأي كل الزمالكاوية”.
وأضاف: “لقبيضة والمنتفعين مدورين عليه مكن ومطلعينه بيصفي حسابات!! بيصفي حسابات مع مين؟ الراجل خدم النادي ٣٠ سنه من وهو عيل صغير واعتزل بقرار منه شخصيا وهو شيكابالا لو كان عايز يكمل السنه اللي ناقصه في عقده ماكانش هيكملها غصبا عن أي حد؟”.
واستكمل: “ومش معنى ان انتوا مرضى ان الناس كلها مرضى زيكم انتوا مابتشوفوش الناس بعينكم انتوا بتشوفوا الناس بقلبكم المريض الي مليان حقد وغل!! مفيش في الدنيا اي حاجه تستاهل قلة الادب دي!!”.
واختتم: “محمود الخطيب وحسين لبيب انتوا مسؤولين عن اللي بيحصل ده عاملين نفسكم مش واخدين بالكم!!ده كلام تقولوهولنا احنا!! هتقولوا لربنا ايه؟ وقفوا المهزله دي لو سمحتم”.
