أحمد سليمان يفجّر المفاجأة: الزمالك يوقّع اتفاقات مالية سرّية لإنقاذ الموقف.. وهذا اللاعب لن يرحل! فيديو

قال أحمد سليمان، عضو مجلس إدارة نادي الزمالك، إن إدارة النادي تبذل جهودًا كبيرة لإعادة التوازن المالي واستعادة الاستقرار الإداري داخل القلعة البيضاء.

وقال سليمان في تصريحات عبر برنامج “اللعيب” على قناة MBC مصر: “الزمالك بيحل مشاكله داخليًا، وبيفكر في إزاي يعوّض الموارد اللي توقفت مؤخرًا. عندنا أفكار كتير من خلال عقود الرعاية، والمباريات، والتسويق. في حاجات كتير اتعملت مؤخرًا ولسه ما أُعلنتش، وبعضها بدأ فعلاً يجيب دخل للنادي”.

وأضاف: “النادي فيه ناس بتحبه وبتحاول تساعده، سواء من جمهوره أو من العاملين فيه. الزمالك دايمًا فيه طاقة إيجابية من محبيه، وده اللي بيخليه واقف على رجله رغم كل الظروف”.

وتطرق سليمان إلى ما تردد عبر وسائل التواصل الاجتماعي عن بعض اللاعبين الذين دعموا زملاءهم ماديًا، قائلاً:

“اللي حصل إن في لعيب ساعد زميله في أزمة مالية، وده طبيعي جدًا وموجود من زمان في الكرة المصرية. دي روح الأسرة داخل الفريق، زي ما كنا بنشوف أيام الكابتن حسن شحاتة وفاروق جعفر. لكن تداول الموضوع على السوشيال ميديا بالشكل ده مش صحيح ومش مفيد”.

وعن موقف مدافع الفريق حسام عبد المجيد من الاستمرار مع الزمالك، أوضح سليمان: “إن شاء الله حسام عبد المجيد مستمر في الزمالك. سمعت تصريحات عن موضوع التجديد، لكن الأمور سهلة جدًا، وهو باقٍ معانا”.