علق حسام حسن، المدير الفني لمنتخب مصر على تأهل الفراعنة إلى نهائيات كأس العالم 2026، بعد الفوز أمام جيبوتي في التصفيات المؤهلة لكأس العالم.
وتأهل منتخب مصر الأول لكرة القدم، رسميًا لنهائيات كأس العالم 2026، بعد الفوز على منتخب جيبوتي بثلاثة اهداف مقابل لاشئ، في التصفيات الإفريقية المؤهلة للمونديال.
وتصدر منتخب مصر مجموعته برصيد 23 نقطة، متفوقًا بفارق 5 نقاط عن أقرب منافسيه منتخب بوركينا فاسو.
وقال حسن، خلال تصريحات تليفزيونية عبر قناة “أون سبورت”:” مبروك لمصر الحمدلله والشكر لله وشكرا للجماهير المصرية بمختلف أعمارها”.
وأضاف: عايز أقول للناس مكنش يصح نوصل لكأس العالم 3 مرات بس، كان لازم نعوض اللي جاي والمرات الجاية بإذن الله نوصل”.
وشدد حسن: “مفيش حد بيشتغل لوحده، ورأس الهرم هو اللي بيعمل أساس، والناس والجماهير مهمة جدا والجمهور والاتحاد والدولة، مش هيبقي في نجاح من غيرهم”.
و تابع:” أحنا تحت أمر مصر في أي وقت، ولازم تعتمدوا شوية على المصريين اللي بيعملوا حاجة، والله اللي كان فارق معايا فرحة الجمهور بس وعلشان الشعب المصري يفرح والله، مصر مش قليلة في أي حاجة مصر تتستحق توصل لكل حاجة حلوة”.
و أشار حسن: “بقول للرئيس السيسي مبروك يا سيادة الرئيس لأنه له دور في كل حاجة بتحصل حاليا، وفي كل الشغل اللي بيحصل.
وأختتم:” مش بجامل حد بس سيادة الرئيس شال حمل كبير محدش يقدر يتحمله، وكان نفسي نتأهل علشان نقابل الرئيس ونتكلم معاه، نفسي أقابله وأتكلم معاه في كل حاجة، وليا الشرف وبنباركله في اللي جاي، ومبروك للشعب المصري”
