اخبار الزمالك

إسلام غير الشاطر: الأهلي لا يضع عينه على لاعبي الزمالك.. ولو الأبيض يقدر يعمل زيه يورينا!

شهد برنامج “اللعيب”، نقاش ساخن على الهواء بين أحمد سليمان عضو مجلس إدارة نادي الزمالك، وإسلام الشاطر لاعب الأهلي السابق، حول انتقال لاعبي الأبيض إلى “القلعة الحمرا”، عن طريق استغلال أزمات المنافس.

وقال أحمد سليمان في تصريحات عبر برنامج “اللعيب”: “عن اهتمام الأهلي بمحمود بنتايج؟ أنا معرفش الاهلي مركز ليه مع لاعيبه الزمالك هو مفيش غيرهم!! يعني بنتايج لسه جاي أول امبارح والأهلي عايزه! وقبل كده الشاطر وزيزو وكهربا وإمام عاشور وحسام عبد المجيد”.

ورد عليه إسلام الشاطر لاعب الأهلي السابق: “يا كابتن الأهلي يقدر يجيب اي حد لانه نادي معاه فلوس ومستقر وكل حاجه صح ماشيه في الأهلي، النادي لما يلاقي لاعب عقده خلص أو قرب يبقي فري يبقي يخش فيه عادي ولو عايز يجيبه يجيبه ده حق كل نادي مستقر ومعاه فلوس، هي الناس بتحاسب الأهلي ان هو معاه فلوس!”.

وتابع الشاطر: “والله العظيم وأنا على الهوا أهو، أنا كنادي أهلي عندي الإمكانية إني أقدر أشتري اللاعيبة، مش ذنبي إن الأندية اللي حواليا معندهاش الإمكانية اللي عندي، أنا عاجبني أسامة حسني، هجيب أسامة حسني طالما أنا عايزه، أنا نادي قوي وكبير وعندي لجنة فنية بتعرف تختار لاعيبة”.

واستنكر أحمد سليمان تعليق إسلام الشاطر ورد قائلًا: “يعني هم ما بيعرفوش يختاروا غير من نادي الزمالك؟ لأ الأهلي بيستغل أزمات الزمالك المادية مع اللعيبه ما إنت بتاخد على الجاهز”.

واختتم الشاطر الحديث بالرد على أحمد سليمان: “آخد على الجاهز إيه المشكلة؟ مش معايا فلوسي اللي أقدر أدفعها؟ ما فيش حاجة اسمها “المنافس بتاعك”، فيه حاجة اسمها “النادي الأهلي يحتاج إلى إيه”، وأنا أجيبهم، مش لو في الزمالك، لو في ريال مدريد وأقدر أجيب من ريال مدريد هجيبه”.

تعليقات زوار الموقع

اخبار ذات صلة