رد إبراهيم حسن، مدير منتخب مصر، على الإنتقادات التي توجه له و لتوأمه حسام حسن المدير الفني للفراعنة بسبب البكاء أثناء عزف النشيد الوطني.
وقال حسن في مداخلة هاتفية ببرنامج “ملعب أون”، عبر قناة “أون سبورت” : “شخصيتنا الطبيعية ظهرت مع منتخب مصر، والتعامل في الدوري مختلف تمامًا”.
وتابع: “احنا بنحب شغلنا وبنحب ننجح، وخصوصاً لما بندافع عن مصر، لأنها مسؤولية مختلفة دائماً”.
و أضاف حسن “ليه بنبكي وقت النشيد الوطني؟ دي حاجة ربانية، مصر بتوحشنا بطريقة غير عادية، انا وحسام بنحب مصر و بنحب بلدنا من قلبنا بنسمع اغنية يا حبيبيتي يا مصر بنبكي بشكل تلقائي و مع النشيد الوطني، أول لما بنشوف علم مصر بنفرح ربنا خلقنا كده”.
وأشار: احمد الشناوي؟، أول واحد عمله عقد أنا مع المصري، وكنا عارفين إن موهبته كبيرة، وأنا وحسام ما عندناش حسابات مع لاعبين معينة، شوفنا ظلم كتير ومش هينفع نظلم حد، لكن هو في فترة كبيرة قصر في حق نفسه، وتألقه في الفترة الأخيرة حاجة تفرحني علشان يكون عندنا أكتر من سلاح قبل فترة حرجة”.
واختتم بشأن منتخب الشباب بقيادة أسامة نبيه، بأن هل هناك مواهب قد تفيد منتخب مصر مستقبلاً، فقال: “لو أنت شوفت حد قولي”.
