أكد محمد الدماطي، عضو مجلس إدارة النادي الأهلي، أن كل موارد القلعة الحمراء معلومة ومراقبة بالكامل من الجهات الرسمية، مشددًا على أن اتهامات البعض للنادي لا أساس لها من الصحة.
وقال الدماطي: “أنا مش حابب أجيب سيرة نادي الزمالك، بس حاليًا بيقولوا إن فرع أكتوبر لو رجع هينقل النادي نقلة تانية، طب مانا عندي زي الأرض دي اتنين في التجمع وفي زايد، ورغم كده بيطلعوا يقولوا الأهلي بيجيب فلوسه منين”.
وأضاف: “لو فرع واحد عند الزمالك يعتبر طوق نجاة وهينقل النادي نقلة تانية، فليه مستغربين إن فرعين نقلوا الأهلي نقلة تانية؟”.
وتابع: “بيقولوا غسيل أموال، رغم إننا نادي دولة وبنتحاسب على كل جنيه، وكل حاجة في النادي مراقبة وموثقة”.
واختتم الدماطي حديثه قائلاً: “الأهلي معروفة موارده كلها سواء من فروع وعضويات، أو من الرعايات والبث ومكافآت البطولات، أو حتى من بيع اللاعبين، وكل دا بيتم بشفافية كاملة وتحت رقابة الأجهزة المعنية”.
