كشف الإعلامي مهيب عبد الهادي عن تفاصيل الاتفاق بين الزمالك ومحمد السيد لاعب الفريق الأول لكرة القدم، الخاصة بتجديد تعاقده الذي ينتهي بنهاية الموسم الكروي الجاري.
وقال مهيب عبدالهادي عبر برنامج “اللعيب” على قناة “إم بي سي مصر”: “تعثر مفاوضات نادي الزمالك مع محمد السيد، تعثر المفاوضات يعني إيه؟ يعني موصلوش للاتفاق لا مع اللاعب ولا مع وكيله”.
وأضاف: “يعني الناس قعدوا امبارح واتكلموا، وهنعمل إيه؟ الحكاية إيه؟ لكن لما بتبقى قاعد ومعاك فلوس غير لما أنت بتبقى قاعد ومعكش فلوس، بتفرق، اللاعب عايز منحة التعاقد.. يعني هو برضه خلي بالكم، محمد السيد بياخد إيه؟ مخدش حاجة”.
وواصل: “لما تقعد مع لاعب ناشئ لازم تطبق إيدك في شيك كده .. اللاعب يفرح 3 مليون، 4 مليون، 5 مليون، يجيب له حتة عربية لان الناس بتشاور عليه دلوقتي وتقول أدي محمد السيد اللي مش عايز يجد”.
واستمر: “هو لاعب كويس، وهيفيدك على المدى البعيد .. اللاعب ووالده طلبوا 5 مليون منحه التعاقد عشان يقدر يظبط سكنه ويطور من نفسه بقى ويشوف نفسه يعني”.
واختتم: “الاتفاق إن التجديد 4 سنين .. الموسم الأول 5 مليون، الثاني 5 مليون والثالث 6 مليون والرابع 6 مليون بجانب منحه التعاقد اللي قولت عليها”.
