تحدث الإعلامي أحمد شوبير عن موقف النادي الأهلي من تجديد عقود بعض لاعبيه، مؤكدًا أن النادي لم يبدأ حتى الآن خطوات التفاوض الجادة مع عدد من الأسماء التي اقتربت عقودها من الانتهاء.
وقال شوبير في تصريحاته عبر برنامجه الإذاعي صباح اليوم الأربعاء: “الأهلي لسه ما بدأش التفاوض فعليًا، لكنه متأخر شوية في الملف ده. المفروض يبدأ يتكلم مع اللاعبين اللي خلاص عقودهم قربت تخلص، علشان يعرف موقفهم بدري بدل ما يفاجأ إنهم وقعوا في حتة تانية.”
وأضاف: “أحمد عبدالقادر مثلاً، لو ما اتفقش مع الأهلي، أكيد هتجيله عروض، وده مش اجتهاد مني. عبدالقادر لاعب مميز وهيجيله أكتر من عرض داخل مصر من أندية كبيرة زي الزمالك وبيراميدز، وكمان ممكن سيراميكا أو فيوتشر أو البنك الأهلي. طبيعي جدًا لأن اللاعب عنده إمكانيات ومواهب كبيرة.”
وتابع: “مش بس عبدالقادر، لو الأهلي ما خلصش بسرعة مع لاعبين زي حسين الشحات أو أليو ديانج، أكيد هما كمان هيجيلهم عروض كتير. أي لاعب في الأهلي أو الزمالك بيكون دايمًا مطلوب في السوق، خصوصًا لو بيقدّم مستوى كويس.”
واختتم شوبير حديثه مؤكدًا: “أنا أتمنى إن الأهلي يخلص الملفات دي بدري، علشان ما يحصلش أي لخبطة في آخر لحظة. الاستقرار في العقود بيأثر على استقرار الفريق كله.”
