أطلق أسامة نبيه المدير الفني لمنتخب مصر للشباب، تصريحات مفاجئه بشأن الخروج من كأس العالم للشباب تحت 20 عامًا، من دور المجموعات.
وقال نبيه في تصريحات تليفزيونية عبر قناة “mbc مصر 2″:” التوفيق من عدمه ده متقدرش تتحكم فيه، وبالنسبة للاعيبة إلى كنت شايلها كان للأوقات الصعبة الـ 18 لعيب في 3 المباريات شاركوا”.
واضاف: “الـ 18 لاعب كلهم شاركوا وبنسب متفاوتة، هو أنا هينفع الاعبهم كلهم في الماتش، خلاص خدوا فترات اللعب المناسبة وقراري صح، ولو عديت الدور دا كنت هلاعب فرقة زي المكسيك واريح بقى وادخل باللاعبين الجديد حسبة مدربين المدربين بس هما اللي يعرفوها”.
وتابع نبيه:” أكيد عندي قرارات غلط خدتها ولما هقعد و هأهدى علشان بقالي بس 48 ساعة هراجع نفسي ليه على الهواء أن أنا اعتذر وكده، أنا اعتذرت بعد الماتش التاني على طول، وفي اعتذار عن المرحلة، أنا اعتذرت عن المباراة التانية ولما تخسر تاني مباراة عن المجموعة، أنا مش كل مرحلة وكل مرة هطلع اعتذر”.
وواصل: “أكيد بعتذر للناس بس علشان الفشل ولا عدم توفيق؟، أنا بعتذر عن عدم التوفيق ومش بعتذر إني فشلت؟ وفي جزء من الشعب المصري عايز يسمع حتة معينة وهو الاعتذار عن الفشل وده لا مش هعمله ومش هسمعهاله”.
وأردف نبيه:” اتحاد الكرة طلب مني محاولة التأهل لكأس العالم وليس التأهل، لأني توليت المهمة في فبراير وكنت ماسك منتخب 2007 والبطولة وقتها كانت في كوت ديفوار مجموعتي كان فيها المغرب نيجيريا وجنوب أفريقيا مجموعة الموت والثلاثة صعدوا كأس العالم ومصر صعدت كأس العالم الهدف الأكبر انك تحاول تتاهل للمونديال”.
وأجاب ردا على سؤال أنت متهم بالفشل مع المنتخب والخروج من الدور الأول مع عدم تقديم أي اعتذار للشعب المصري؟:” نتكلم ورقة وقلم، أنا توليت المنتخب من حوالي 7 أشهر، أنا مش متهم بالإخفاق ده أمر غير مقبول بالنسبه لي، ده عدم توفيق”.
وزاد نبيه: “الإخفاق إن أنت بتشتغل بطولة تخسر كل المباريات وتخرج صفر، لكن أنا في مباراة تشيلي وكان حتمًا أن أفوز، اللاعيبة مقابلتش أجواء بالشكل ده، كسبت تشيلي في آخر دقيقة ولم أتأهل، ولاعيبتي فرحت، وتناسوا اللوائح”.
وأختتم: لكن أنا خرجت باللائحة مش خرجت كرة، أنا لم أخفق ولا أنا فاشل والتاريخ بيقول إني وفقت مع المنتخب الأول في كأس العالم”.
