أعرب الإعلامي أحمد حسام ميدو عن إعجابه الكبير بما حققه منتخب المغرب للشباب، بعد تتويجه بلقب كأس العالم تحت 20 عامًا، مؤكدًا أن ما وصلت إليه الكرة المغربية لم يأتِ من فراغ بل هو نتاج عمل طويل المدى.
وقال ميدو خلال تصريحاته:” عندي احترام كبير لمشروع المغرب، لأنه مشروع بدأ من أكاديميات قوية واستثمار منظم، الأموال هناك بتتصرف في مكانها الصح، والنتيجة إنهم حصدوا اللي زرعوه ووصلوا للعالمية”.
وأضاف:” منتخب المغرب أصبح نموذج يحتذى به، مشروع واضح ومستمر، مش مجرد صدفة أو جيل طالع بالبركة، وده اللي بيخلينا نحزن على حالنا في مصر”.
وتابع:” صعود منتخب مصر للناشئين لكأس العالم مش إنجاز، لأنك خرجت من الدور الأول، مفيش احتراف حقيقي للشباب، ومفيش اهتمام بالمدربين المتخصصين أو بالموهوبين، رغم إن عدد سكاننا ضعف المغرب، ومع ذلك هما اللي سابقينا دلوقتي”.
واختتم ميدو:” من 15 سنة كنا احنا اللي بنتفوق على المغرب، لكن الصورة انقلبت تمامًا، والمغرب دلوقتي أفضل مننا في كل حاجة على مستوى التخطيط، والإدارة، وتطوير المواهب”.
