رسالة نارية من محمود فتح الله للاعبي الزمالك الرافضين تجديد عقودهم.. “محدش بيتخطف من نادي كبير”

وجه محمود فتح الله، نجم الزمالك السابق، رسالة نارية للاعبي الفارس الأبيض الرافضين تجديد عقودهم مع النادي.

وقال فتح الله،خلال تصريحات تليفزيونية ببرنامج “الكورة مع فايق”،عبر قناة “mbc مصر 2″:” اي نادي في مصر وغني من حقه يجيب لعيبه، واي نادي عنده لعيبه يحافظ عليهم”.

واضاف:” في موضوع رحيل زيزو قولت استفيد من العرض المقدم و بيعه، ولكنه مشي بدون مقابل”.

وشدد فتح الله:” الزمالك نادي كبير ولازم اللي قاعدين فيه يحسوا بقيمته، واللي عاوز يمشي مجلس الادارة يعطيه ورده مع السلامة”.

وواصل:” لو انت مش قادر تجدد للاعب وعاوز يمشي سيبه، مفيش لاعب بيتخطف من نادي كبير، هتحس انه بايعك يبقى مع السلامة”.

وأختتم: “لو الاعب مهم لازم تقعد معه، وتحاول تجدد له، مش هتعرف تجدد له و هيمشي بطريقة مش كويسه يبقى بالسلامة”.