اخبار الزمالك

سميح ساويرس يعلّق على فكرة دعمه للزمالك ماليًا.. ويكشف: حزنت بسبب هذا اللاعب! فيديو

أكد المهندس سميح ساويرس، مؤسس نادي الجونة، أن نادي الزمالك يسير في طريق التحسن الإداري خلال الفترة الأخيرة، لكنه لا يزال يواجه صعوبات مالية كبيرة تُؤثر على قدرته في المنافسة، مقارنة بإمكانيات النادي الأهلي.

سميح ساويرس قال في تصريحات لبرنامج “الصورة” على قناة النهار: “الزمالك بيتحسن فعلًا، والإدارة الجديدة عاملة شغل كويس، بس للأسف إمكانياته المادية مش زي الأهلي خالص. يعني حتى الأرض اللي كانت عندهم كادت تضيع لأنهم ما قدروش يمولوها، وده بيأثر كمان على قدرتهم في التعاقد مع لاعيبة كويسين”.

وعندما سُئل عن فكرة إنه يدعم الزمالك ماديًا، رد وقال: “بصراحة، الفتره اللي فاتت ما كانتش مناسبة لأي دعم، لأن الدنيا كانت ملخبطة جوه النادي، سواء في الإدارة أو في ظروف الدولة نفسها. وأنا من الناس اللي ما بتحبش تستعجل، لازم أشوف الأول الصورة كاملة قبل ما أخد قرار”.

أما عن انتقال زيزو للأهلي، ساويرس قال: “زعلت بصراحة عشان الزمالك ما كانش معاه فلوس تخليه يفضل، بس في النهاية أنا ما بدخلش أي منظومة غير لما أكون شايف إنها ماشية صح، فيها إدارة ورقابة ومحاسبة. لو المنظومة مش واضحة، حتى لو المشروع كويس، ما بدخلش”.

واختتم: “مجلس إدارة الزمالك لسه ما كملش سنتين، ولسه بدري نحكم. الواحد لازم يستنى 3 أو 4 سنين عشان يشوف لو في استقرار حقيقي ونظام ماشي من فوق لتحت، مش مجرد رؤوس كويسة والباقي لا. لازم تكون مؤسسة متكاملة”.

تعليقات زوار الموقع

اخبار ذات صلة