وقال الإعلامي أحمد شوبير في تصريحات عبر برنامجه الإذاعي صباح اليوم الخميس: “بالمناسبة، امبارح صعب عليا قفشة، يعني الولد بقاله فترة بعيدة عن الملعب، فحسّيت إن ده مش قفشة اللي نعرفه خالص.”
وأضاف شوبير: “عجبني أيمن الكاش لما حلل أداء قفشة، وقال إن البُعد عن المباريات مشكلة كبيرة جدًا، وده فعلاً سبب في إن مستواه مش ظاهر بالشكل المعتاد، لكن بإذن الله قفشة هيرجع واحده واحدة.”
وتابع: “وبرضه لازم الناس تهدّى شوية على اللاعبين اللي ما كانوا مش بيلعبوا الفترة اللي فاتت، زي محمد شحاتة مثلًا، اللي راجع بعد إصابة طويلة، فلازم ياخد وقته علشان يرجع لمستواه الطبيعي.”
وأوضح شوبير: “النادي الأهلي هيواجه سيراميكا كليوباترا الساعة الخامسة مساءً على استاد هزاع بن زايد يوم الخميس 6 نوفمبر، بينما سيلتقي الزمالك مع بيراميدز الساعة السابعة والنصف مساءً على استاد آل نهيان.”
واستكمل: “أما مباراة تحديد المركز الثالث فستقام يوم الأحد 9 نوفمبر على استاد آل نهيان في تمام الثالثة إلا ربع عصرًا، والمباراة النهائية ستُقام في الخامسة والنصف مساءً على استاد محمد بن زايد.”
واختتم شوبير: “ده كله بيتم في إطار تفاهم وتعاون كبير بين اتحاد الكرة والشركة المتحدة ورابطة الأندية المحترفة في مصر، بالتنسيق مع رابطة المحترفين في الإمارات.”
