كشف الإعلامي أحمد شوبير عن كواليس جديدة بشأن موقف حسين الشحات من تجديد عقده مع النادي الأهلي، مشيرًا إلى أن اللاعب يمر بفترة تقدير كبيرة بعد تألقه أمام الزمالك، لكن مسألة التجديد لمدة موسم واحد تبدو صعبة في الوقت الحالي.
وقال شوبير في تصريحات عبر برنامجه الإذاعي صباح اليوم الاثنين: “طبعًا حسين الشحات أسهمه عليت جدًا بعد مباراة الأهلي والزمالك، يعني في تقدير وفي احترام ليه، لأنه لا زايد ولا ابتز النادي ولا أي حاجة، وكانت جاياله عروض كتير جدًا في موسم قابل للتجديد”.
وتابع: “أنا شايف، إحساسي الشخصي يعني، إن حسين هيطلب موسمين، ومن فضل حضراتكم الله يخليكم ما تقوموش بحملات على حسين الشحات من فضلكم. من حقه إنه يقول أنا عايز سنتين، ما تزعلوش، مفيش حاجة خالص”.
وأضاف: “حسين لحد قبل ماتش الزمالك كانت أصوات كتير جدًا بتطالب إنه يمشي من النادي الأهلي، كتير جدًا، (خد حسين في إيدك وانت ماشي، خد مش عارف مين في إيدك وانت ماشي)… وهكذا، الناس بتتعامل مع اللعيبة يا عيني بشكل صعب جدًا”.
فموضوع إنه يجدد سنة دي أنا شايفها صعبة. ده إحساسي أنا، والله العظيم، لا كلمت حسين، ولا كلمت حد من أسرته، ولا عندي معلومة خالص يعني، بس أنا شايفها صعبة إنه يجدد لمدة سنة. كويس، ده بالنسبة لحسين الشحات”.
