عبد الحليم علي يفتح النار على جون إدوارد وإدارة ولاعبي الزمالك بعد التعادل أمام غزل المحلة- فيديو
فتح عبد الحليم علي، نجم الزمالك السابق، النار على جون إدوارد وإدارة النادي واللاعبين عقب التعادل أمام غزل المحلة، ضمن منافسات بطولة الدوري.
وقال علي، خلال تصريحات تليفزيونية عبر قناة الزمالك: “انا مش شايف خالص، فقدت 12 نقطة، وهل في نادي بينافس يخسر 7 نقط اخر 3 ماتشات، اخطاء مكرره وقولنا المدرب جديد طيب، اللعيبة انت متقدم تجيب الهدف المفروض احافظ عليه، واخطاء مكرره مكتوب علينا نتقدم وبعدها يتعادلوا وياخدوا منك الماتش”.
أضاف:” انتقدت المدير الفني الماتش اللي فات ومنتقدتش اللعيبه، لا ياكباتن الف باء في الكرة تعرف تقف ازاي، اللعيبه بالارقام دي وارقام كبيره ومتعرفش تقف؟، بتعرف تطلب بس؟، مشوفتش زميلك تقوله ارجع اقف عليهم وانا متقدم ميجيش فينا هدف”.
وشدد علي: “لازم يكون في وقفه مع كل من يدير كرة القدم بالزمالك من اول فوق لتحت النتائج دي صعبه علينا وعلى جماهيرنا، الزمالك مش حقل تجارب”.
وواصل:” انا بفقد نقاط كتير، انا مشوفتش قرار لا من ادارة ولا من جون ادوارد ولا عقاب للاعبين، قولي في عقاب على اللعيبه علشان فقدان النقط؟ مخدناش موقف ولا استبعاد لحد منهم”
وأكمل علي: “الزمالك كبير ولازم قرار بسرعه والزمالك اكبر من كد، ه 12 نقطه تخسرهم”.
واردف:” لعيبه ايه اللي كويسه؟، فين اللعيبه الكويسه انت متقدم، ايه الجول اللي جه فينا ده؟ اخطاء مكرره كل ماتش سلبيات وحرق دم ولافي قرار ولا موقف “.
وأختتم:’ما بني على باطل فهو باطل، ونادي الزمالك مش ملك حد، ونادي الزمالك مش بتاعك، خد بعضك وامشي، جون إدوارد مدير رياضي، ولازم يكون في رقيب عليه من مجلس إدارة نادي الزمالك”.
شاهد:
