تحدّث الإعلامي أحمد شوبير عن تطورات حالة لاعب الأهلي إمام عاشور قبل مباراة السوبر المقبلة، مؤكدًا أن فرص لحاقه بالمواجهة “ضعيفة جدًا”، رغم التحسّن الكبير في حالته الصحية خلال الأيام الأخيرة.
وقال شوبير في تصريحات عبر برنامجه الإذاعي صباح اليوم الثلاثاء: “من وجهة نظري، مستحيل إمام يلحق السوبر. الأهلي ممكن يفكر ياخده معاه الإمارات كدعم نفسي، لكن من ناحية الجاهزية الطبية، لأ خلاص الموضوع صعب.”
وتابع: “الحمد لله حالته بقت ممتازة، والإنزيمات كلها تقريبًا ظبطت بنسبة 98% بعد ما كانت في الأول مش 1% حتى. وده طبعًا فضل ربنا. فاضل إنزيم بسيط كده هيظبط خلال 48 ساعة إن شاء الله.”
وأضاف: “هيعملوا له تحاليل بعد يومين عشان يعرفوا درجة التعافي، وبعد كده يبدأ يرجع النادي واحدة واحدة، الأول يحضر بس، وبعدها تمرين خفيف.”
وأردف: “احنا النهارده 28 أكتوبر، والسوبر يوم 6 نوفمبر، فالأمر شبه مستحيل. الأمل الوحيد إنه يسافر كناحية نفسية للفريق. الراجل بيحب إمام جدًا، وبيشوفه لاعب مهم جدًا بالنسباله حتى لو لسه ملعبش معاه.”
