أكد المهندس هاني أبو ريدة، عضو المكتب التنفيذي للاتحادين الدولي والإفريقي لكرة القدم، أن تركيزه في المرحلة الحالية ينصب على تهيئة الأجواء المناسبة لمنتخب مصر وتوفير كافة سبل الدعم والحماية للجهاز الفني واللاعبين من أجل تحقيق طموحات الجماهير المصرية.
وقال أبو ريدة، في تصريحات لبرنامج «اللعيب» على قناة MBC مصر: “أنا بطبيعتي كلامي قليل، لكن تركيزي كبير في تجهيز الأجواء المناسبة للمنتخب الوطني وتوفير الحماية اللازمة له، وده دوري كرئيس اتحاد سابق وعضو مؤثر في المنظومة، إننا نعمل برنامج محترم ونحافظ على أولادنا بشكل جيد، وده الحمد لله نجحنا فيه حتى الآن بعد انتهاء التصفيات بشكل ناجح وتحقيق إنجاز مميز.”
وأضاف: “بنسمع كلام كتير وشائعات كتيرة، لكن إحنا مركزين في شغلنا، وهدفنا الأساسي هو حماية المنتخب بكل عناصره، من الجهاز الفني واللاعبين وحتى الإداريين”.
وواصل: “أمس كنت في زيارة للمنتخب الثاني اللي بيشارك في البطولة العربية، بعد لقائي بمنتخب مصر الأول، ووجدت الجميع متحمسين جدًا، سواء الكبار أو الشباب، وعندهم رغبة قوية في تحقيق إنجاز كبير لمصر.”
وأوضح أبو ريدة أن العلاقة بين منتخبي مصر الأول والثاني تسودها روح التعاون والانسجام، قائلاً: “المنتخب الأول والثاني منتخب واحد، مفيش أي خلاف زي ما بيتقال. بالعكس، اللاعبين الكبار كانوا عايزين يحضروا مباراة المنتخب الآخر تشجيعًا ليهم، لكني قلت لهم ركزوا في ماتشكم لأن البطولة العربية صعبة وحساسة جدًا. أتمنى إنهم يحققوا نتائج طيبة في قطر، وأنا عندي ثقة كبيرة في الجهاز الفني وكل عناصر المنتخبين.”
وتحدث أبو ريدة عن ما أُثير مؤخرًا حول نية اتحاد الكرة إقالة الكابتن حسام حسن، قائلاً بحزم: “الكلام ده ملوش أي أساس من الصحة تمامًا. مفيش الكلام ده خالص. الفريق ماشي بنجاح، وحقق إنجازات مهمة في التصفيات بدون أي خسارة، وده إنجاز كبير جدًا”.
وأشار: “مفيش حاجة اسمها مجموعة سهلة أو صعبة، لأننا قبل كده خسرنا من فرق كنا فاكرينها سهلة، وبالتالي لازم نحترم كل المنافسين، وده اللي عمله اللاعبون بجدية كاملة حتى أنهوا التصفيات بنجاح كبير.”
وأكمل حديثه مؤكدًا: “مش عايزين نضيع فرحتنا، بالعكس لازم نفرح إننا وصلنا كأس العالم بعد فترة طويلة جدًا. أجيال عظيمة في السابق مقدرتش تحقق ده، واللي حصل إنجاز لازم نفتخر بيه. أتمنى إن رجالتنا اللي في المنتخب يواصلوا المشوار ويقدموا أداء أفضل في كأس العالم 2026 بإذن الله.”
وعن علاقته بالمدير الفني حسام حسن، شدد أبو ريدة على قوة العلاقة بينهما، قائلًا: “العلاقة طيبة جدًا، وفيه تنسيق كامل. أنا وحسام بينا تاريخ طويل من العمل والاحترام. ما عنديش أي خلاف أو اتجاهين في دماغي، إحنا كلنا في اتجاه واحد ووراء المنتخب بجهازه الفني والإداري. اللي بيتقال في الميديا مش موجود على أرض الواقع نهائيًا.”
وتحدث أيضًا عن زيارته للكابتن حسن شحاتة، المدير الفني التاريخي لمنتخب مصر، ضاحكًا: “أنا كنت عنده مؤخرًا، وقعدنا نأكل مع بعض فول وطعمية. حسن شحاتة ده عشرة العمر، من أقرب الناس لقلبي، وكان معايا في اللجنة الفنية باتحاد الكرة. هو تعبان شوية، لكن بيتحرك ونزل يقابل الناس، وإن شاء الله ربنا يشفيه ويعافيه، لأنه علامة مضيئة في تاريخ الكرة المصرية.”
وفي ختام حديثه، تحدث أبو ريدة عن طموحات منتخب مصر في بطولة كأس الأمم الإفريقية القادمة، قائلاً: “طموحنا كبير جدًا، واللاعبين عندهم تصميم غير عادي على تحقيق إنجاز قوي. محمد صلاح كان بيكلمني وقال لي: (دي فرصة كبيرة نعمل حاجة كويسة).
