أثار الإعلامي مهيب عبد الهادي جدلًا واسعًا بعد انتقاده اللاذع لضعف الإقبال على الجمعية العمومية الخاصة بنادي الزمالك، التي عُقدت مؤخرًا لاعتماد تعديلات لائحة النظام الأساسي للنادي.
وقال مهيب عبد الهادي في تصريحات عبر برنامجه “اللعيب”، على قناة “mbc masr”: “امبارح الزمالك كان عنده جمعية عمومية اللي هي الاجتماع الخاص علشان اعتماد التعديلات الخاصة بلائحة النظام الأساسي”.
وتابع: “ده وفقا لتعديلات قانون الرياضة رقم 171 لسنة 2025، كان مطلوب عشان الجمعية العمومية تنجح حضور 4000 عضو. بس اللي حضر 898 عضو يعني ما كملوش 1000 عضو”.
وأضاف: “مش عارف الجمعية العمومية 898 مقصودة؟ يوم الثلاثاء معرفش مش عايزين تغيروا اللائحة؟ معرفش مش عايزين شركة كرة؟ معرفش مش عايزين تخرجوا من اللي أنتم فيه؟ معرفش خايفين من الهجوم من أعضاء الجمعية يزيد؟”.
وواصل: “معرفش، لكن اللي تعرفه في حاجة واحدة اسمها نادي الزمالك. نادي الزمالك اللي مثلا داخل في كام عضو يا رجالة؟فوق ال 100000 في وقت صعب جدًا يحضر له 898 وتتعمل يوم الثلاثاء. يعني لو الفرق الرياضية بتاعه الزمالك بتاع الألعاب الأخرى كانوا أكتر من كده”.
