مهيب عبد الهادي يفجرها: الأهلي يحسم 6 صفقات كبرى.. واللي جاي “حمادة تاني” وصدمة بسبب هذا اللاعب!
فجر الإعلامي مهيب عبد الهادي مفاجآت من العيار الثقيل حول كواليس النادي الأهلي، مؤكدًا وجود شخصية بارزة داخل القلعة الحمراء تتولى ملف المدير الفني والصفقات الجديدة، مشيرًا إلى أن الفريق بصدد إبرام من 4 إلى 6 صفقات كبرى، مع تغييرات جذرية في أسلوب التعامل داخل النادي استعدادًا للمرحلة المقبلة.
وقال مهيب عبد الهادي في تصريحات عبر برنامج “اللعيب”، على قناة “mbc masr”: “خبر مهم جدًا جدًا، في شخصية بارزة الآن في النادي الأهلي تقود ملف المدير الفني والصفقات.. يعني إيه؟ صفقات! هو الأهلي عايز صفقات؟ أه، في من 4 لـ 6 صفقات.. تخيل؟”.
وتابع: “مش عايز أقول بقى الدلع.. كان في حاجات سلبية زمان بتتعدل، ومش هتلاقوها في النادي الأهلي.. زي إيه، زي مثلًا أنا عايز أعدل عقدي.. ده إللي موجود.. لا.. اتكل على الله هو ده إللي موجود انت بتلعب في النادي الأهلي، إنت لابس تيشيرت النادي الأهلي دي ليها ثمن”.
وأضاف: “نصيحة إلى كل الشباب في النادي الأهلي، البادج والتيشيرت لهما سعر لوحدهما، والفترة اللي جاية هتفهموا كلامي، يعني لو في واحد رافع كتفه شوية نزله دلوقتي أحسن لك إلحق نفسك يا حبيبي.. إلحق نفسك يابابا إنت بتلعب في النادي الأهلي”.
وأشار: “يعني لما تيجي تتعاقد أو تجدد عقدك، حطلك بتاع 20 – 30 مليون جنيه لوحدهم دول قيمة التيشيرت إللي انت لابسه يابابا”.
وشدد: “اللي فات حماده واللي جاي حماده ثاني في النادي الاهلي. نصيحه لكل الشباب الجميله اللي موجوده في النادي الاهلي يعني فكر بقى ابتدي راجع حساباتك عيد حساباتك وقبل ما تتقدم بخطوه انا عندي معلومه كده مش عارف صح ولا غلط. ان كوكا تعاقد مع ادم وطني ممكن انتم تصححوها لي او اه ادم وطني اه ادم وطني”.
وأكد: “انا بقول لكم خلال شهر سيعود النادي الاهلي كما كان، هو النادي الاهلي موجود زي ما هو وكل حاجه لكن في بعض الامور التنظيميه غابت عن النادي الاهلي، خلينا واقعيين منها تاخر ملف المدير الفني منها يعني مش عايز اقول دلع لكن في هو هي اتفهمت غلط هو الاهلي متمسك بلعيبته”.
واختتم: “في لعيبه كبيره النادي الاهلي متمسك بيها وده كان طبيعي، الامور دي ساعات بتتفهم غلط يا فندم. يعني ادلع بقى واتقل واطلب اللي انا عايزه…. لو جه عرض لعيبه في النادي الاهلي عرض محترم صدقني النادي الاهلي هيقول لك الف سلامه والباب مفتوح يفوت جمل. تمام؟ تمام؟ تمام”.
