مهيب عبد الهادي يكشف الحقيقة الكاملة عن حالة إمام عاشور.. والسبب الصادم وراء عزله التام! فيديو

في تصريح مثير حمل طابعًا إنسانيًا أكثر من كونه رياضيًا، خرج الإعلامي مهيب عبد الهادي، ليضع حدًا للجدل المتداول حول حالة نجم الأهلي إمام عاشور، مؤكدًا أن اللاعب يمر بظروف نفسية دقيقة، لكنها لا علاقة لها بأي تقصير من النادي الأهلي كما ردد البعض.

وقال مهيب عبد الهادي في تصريحات عبر برنامج “اللعيب”، على قناة “mbc masr”: “بالنسبة لموضوع أمس اتكلمت فيه هو موضوع إمام عاشور.. وأنا لما اتكلمت على إمام عاشور ما كانش له علاقة بالنادي الأهلي خالص. يعني إلحقوا إمام عاشور الراجل معنوياته وحشة، نفسيته، كل ده جميل. ده ليس له علاقة ولا تقصير من النادي الأهلي”.

وتابع: “وأنا قلت إحنا بس صعبان علينا الحالة. أنا إمام عاشور بالنسبة لي أنا بالنسبة لي أنا حالة خاصة. يعني أنا بحبه جدا وهو شخص شفاف حساس جدا. فده ممكن في ناس فسرته إن الأهلي مأثر مع أو مقصر مع إمام عاشور، خالص ملوش علاقة خالص. كابتن وليد صلاح الدين دائماً على تواصل مع إمام، لكن هو بروتوكول إمام عاشور إن هو ما ينفعش حد يزوره”.

وأردف: “يعني هو معمول له بروتوكول ومعمول له جلسات ومعمول له برنامج وكل حاجة، لكن ما ينفعش حد يروح يزوره. فده ملوش علاقة إن النادي الأهلي مقصر معاه خالص. النادي الأهلي مع إمام زي الفل. وكابتن وليد على تواصل معاه دائماً. لكن ما ينفعش يروح يشوفه”.

وواصل: “لأن دي حاجة مُعدية. فما ينفعش، وكل لعيبة الأهلي كلها بتتصل بإمام عاشور. فالكلام بس عشان ما يتاخدش إن الأهلي مقصر، لا. وأنا قلت أمس وبالحرف من أول الكابتن محمود الخطيب لأصغر واحد في النادي الأهلي بيحبوا إمام عاشور. ودي حقيقة. ودي حقيقة. ومصر كلها بتحب إمام عاشور. لكن أنا بقول يعني إيه؟ الراجل نفسيته وحشة”.

واختتم: “نفسيته عايز طبطبة زيادة. لكن محدش هيقدر يقرب له لأن البروتوكول بتاعه كده. ما ينفعش حد يتكلم معاه أو يسلم عليه أو يشوفه أو يزوره. ده بالنسبة لإمام عاشور وتوضيح مهم جداً أن النادي الأهلي لم يقصر في إمام عاشور كلاعب أو كحالته اللي بيمر بيها، خالص. دي حقيقة”.