أكد هاني أبوريدة، إنه كان يقوم بإعداد حازم إمام نجم الزمالك السابق، ليكون خليفته في المناصب الدولية في الكاف والفيفا.
وقال أبوريدة في حوار مع سيف زاهر تم نشره عبر الحساب الرسمي لاتحاد الكرة:” من هو خليفة هاني أبو ريدة؟، بص، هو طبعاً حصل دروب كبير جداً، إنما آه، أتمنى طبعاً أي حد من الشباب الجديد يعني. إن شاء الله دي آخر دورة لي”.
وتابع: “الشباب الجديد أي حد يكون متواجد، وتبقى عنده الرغبة إن هو يمد بإيده بجد، ومش جاي تصوير يعني. اللي عايز يشتغل هيشتغل، واللي عايز يثبت وجوده هيثبت وجوده. اللي أنا عن نفسي الناس اللي بتبقى عايزة تشتغل فيهم عندهم الجدّية في العمل، بمد إيدي ليهم”.
وردا على سؤال من يصلح يكون رئيس اتحاد الكرة؟
أجاب:” أنا لو قلت اسم واحد دلوقتي هيبقى مُحرج آه، ما أقدرش أسمي، أنا مش عايز أتدخل في القصة دي. أهم حاجة طبعاً المفروض يعني إن هم دول الجمعية العمومية الحرّة في اختيار المرشحين، أو اللي هم شايفين من وجهة نظرهم اللي يقدروا يمثلوا المكان بشكل جيد. إنما مصر طول عمرها ولّادة، مصر عندها كوادر كويسة جداً. أنا مش قلقان من دي، هيجي ناس كويسة”.
وشدد ابوريدة: “لازم طبعاً لازم يكون لينا حد بره، لأنه زي ما قلت إن إحنا مصر كبيرة ولازم تاخد دورها على المستوى العربي والأفريقي والعالمي بشكل كبير. متواجدين”.
وأردف:*وده كان عندي هدف ليها، والحمد لله قدرت أعمله، ودايماً الناس يقول لك هو هاني أبو ريدة عمل لنا إيه؟ ده السؤال دايماً، هاني أبو ريدة عمل إيه للبلد؟ آه، كلام، حاجات يعني الحمد لله، كل ما يُطلب مني بيتعمل، إنما الكلام ده لا يُعلن إطلاقاً. لأنك أنت بتمثل قارة، ما بتمثلش بلد”.
وواصل أبوريدة:” أنا هاني أبو ريدة عضو مجلس الفيفا المصري، إنما أنت بتمثل قارة، وبالتالي إن دايماً إحنا بنفكر، لما حد يجي ياخد قرار يقول لك: “ما أنت تعمل”، ما هو هيتأثر بلد ثانية، وبالتالي لازم تكون عندك حسابات وعندك اتزان في القرار واتزان في التصرف. فده مهم جداً، فيه كياسة، وما فيش حاجة هتبقى كده على العلن يعني”.
وأجاب على سؤاب من هو خليفة هاني أبو ريدة بره؟ قائلا:” بره، أنا كان نفسي كان يكون موجود حازم إمام، كنت بتمنى يبقى حازم موجود. كنت بجهّزه، والظاهر هو اللي برضه الإعلام خلاه زهق، آه، إن الهجوم دايماً من الإعلام خلاه زهق. مكانش ما عندوش الصبر والجلد في القصة دي”.
وأشار: فيه ناس كتير، أحمد مجاهد، الغريب إنه دايماً يُقال لك علاقاته هنا مش حلوة، إنما بره علاقاته كويسة جداً، سواء على مستوى الاتحاد الأفريقي أو الاتحاد الدولي وموجود في اللجان وهو بيشتغل بجد”.
وأختتم: “هل أحمد مجاهد ممكن يكون خليفة هاني أبو ريدة بره؟ بص، دي بتبقى لها رؤية من حاجات كتير. يعني أنا عشان أترشح أبقى ممثل مصر، ده خطّ انتخابات داخلية في اتحاد الكُرة المصري. كان الأخ هشام حطب يبقى… يعني هو اللي يترشح. وعملنا انتخابات داخلية بكل ديمقراطية وحياد، إن هو مين اللي يمثل مصر؟ فالموضوع لازم يبقى له دور، سواء من الرأي العام أو الدولة أو المجلس، يعني حاجات كتيرة جداً جداً هي اللي بتحدد مين اللي يبقى موجود على الساحة”.
